Jop 32:13 - Sơ̆p Hlabơar Nơ̆r 'Bok Kei-Dei

¹³ Kơchăng bĕ 'nĕ hăt pơma khan: ‘Lu nhôn chă 'bôh bơih tơdrong gơh hơgei; Kră Yang 'Bok Kei-Dei gơh tơ'bôh kơ Jop, kon bơngai ưh kơ gơh tơ'bôh.’

Jop 32:13 ပူးပေါင်းရင်းမြစ်များ

Bl 14:23

Mă tơmam kiơ gah ih, mă khan lăp minh ioi brai, dah minh dăng tơlei chơkhŏ, inh kư̆m ưh kơ đei iŏk; hli kơ pơtao gơh khan thoi âu: ‘Yua kơ đơ̆ng inh na mă pơm kơ Abram mơdrŏng.’

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 12:2

Lu iĕm ngeh lu iĕm bơngai hơgei, Mưh lu iĕm lôch tơdrong hơgei gô hiong hơdai lu iĕm mơ̆n.

Jop 19:21

Lu iĕm buăl juăt inh, apinh iĕm mơnat 'biơ̆ kơ inh, mơnat 'biơ̆ kơ inh bĕ, yua kơ ti Kră Yang 'Bok Kei-Dei teh inh bơih.

Jop 19:6

Iĕm athei băt 'nâu đơ̆ng Kră Yang 'Bok Kei-Dei pơmat pơrăm inh, păng dăng hơnhuăl Sư tăp kơ inh.

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 31:40

Lei apinh tơm jơla chăt tơplih kơ tơm 'ba, păng 'nhĕt tơplih ăn kơ 'ba tơ'bâu. Truh dâu đĭ nơ̆r Jop.

Jop 32:12

Inh adrin pơgling đon mơ̆ng lu iĕm pơma, Mă-lei ưh kơ đei minh 'nu bu lăm lu iĕm kĕ kơ Jop, Wă tơ'bôh kơ sư đei yoch. Dah gơh tơl nơ̆r sư.

Jop 32:14

Jop ưh kơ đei pơjah pơjăng hăm inh, Na lei, inh ưh kơ tơl tơwih kơ sư thoi nơ̆r lu iĕm.

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Êsai 48:5

Na Inh pơma dôm tơdrong 'noh kơ lu iĕm đơ̆ng sơ̆, bơtho lu iĕm dôm tơdrong 'noh adrol kơ sư tam mă truh, kơnh hli kơ iĕm khan: 'Noh jĭ rup yang đơ̆ng inh pơm, rup yang inh traih, rup yang inh tuh hling đơ̆ng inh athei đei dôm tơdrong 'noh.

Êsai 48:7

Dôm tơdrong 'noh đe 'nao pơjing, đơ̆ng sơ̆ ưh tam mă đei ôh: Adrol kơ năr 'nâu, iĕm tam kơtơ̆ng tơdrong 'nâu, kơnh hli kơ iĕm khan: ‘Inh băt bơih tơdrong 'noh!’

Êsai 5:21

Răm-'băm dêh kơ bơngai bu lăng kơdih akâu sư khan hơgei, pôk kơdih akâu sư khan bơngai hlôh wao!

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Êsêkiên 28:3

“Âu, ih hơgei hloh kơ Đaniel; ưh kơ đei tơdrong kiơ gơh ôn kơ ih!

Sa 12:7

Kră Yang adrol hloh gô dŏng pơklaih dôm lu kơđông Juđa, wă kơ đei tơdrong ư-ang kơ hnam Đawit păng tơdrong ư-ang kơ pơlei Jêrusalem, huay kơ ư-ang hloh Juđa.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

Lu 7:2

Kră Yang khan kơ Giđêôn: Lu bơngai kiơ̆ ih lơ dêh, dah Inh jao kon pơlei Miđian lăm ti lu sư; lei kơnh hli kơ bơngai Isơrael pơang khan: Nhôn kĕ jei đơ̆ng nhôn kơdih.