Jop 31:9 - Sơ̆p Hlabơar Nơ̆r 'Bok Kei-Dei

⁹ Tơdah jơhngơ̆m inh hưch huŏng kơ bơngai drŏ-kăn, Tơdah inh năm chop răp tơ 'măng hnam sư.

Jop 31:9 ပူးပေါင်းရင်းမြစ်များ

I Pot 11:4

Truh tơ Sôlômôn kră pă kĕ lu akăn sư pơhlŭ pơlung sư kiơ̆ yang lu sư; jơhngơ̆m sư ưh pă chu yom kơ Kră Yang 'Bok Kei-Dei thoi jơhngơ̆m đon Đawit 'bă sư.

Ne 13:26

Ưh kơ trŏ kơ Sôlômôn, pơtao Isơrael, đei pơm yoch kơ tơdrong noh hă? Đei lơ adrĕch adrung kon bơngai ưh kơ đei minh 'nu pơtao ayơ nhen thoi sư; sư bơngai mă Kră Yang 'Bok Kei-Dei 'mêm, na Kră Yang 'Bok Kei-Dei pôk ăn kơ sư jing pơm pơtao kơ bơngai Isơrael. Mă-lei lu drŏ-kăn tơmoi adrĕch nai pơdrŭt pơhlŭ sư pơm yoch!

Jop 31:1

Inh đei pơgơ̆p hăm măt inh; Inh ưh pă lăng tơ bơngai adruh hle.

Tơdrông Pơđơk 22:14

Nơ̆r 'bơ̆r bơngai akăn đe pơm đi thoi sơlŭng jrŭ tơpă. Bơngai mă Kră Yang hil dêh gô huŏng tơ lăm noh.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Tơdrông Pơđơk 6:27

Hăm đei drŏ-nglo ayơ dan ŭnh 'bơ̆t kơtơh, na khan ŭnh huay kơ sa ao sư?

Tơdrông Pơđơk 7:21

Drŏ-kăn pơhlŭ pơlung hăm nơ̆r 'bơ̆r pơma rơngơp hơgei, lei wă kơ drŏ-nglo puh huŏng.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Je 5:8

Lu sư thoi aseh tơno rong bek chă kiơ̆ akăn đe nai.”

Hôsia 7:4

Đĭ-đăng lu sư tă kơ pơm pơyô kư̆ kă ngăl. Lu sư jing thoi tơnuh ŭnh tŏ mă đe tơkuh wă 'buh 'bĕng, bơngai 'buh 'bĕng tơkuh pơgơ̆p ŭnh iŏk đơ̆ng 'nao jrâu tơpŭng bơlah dĭng truh tơ bơlah pông.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Both 5:21

Ih 'nĕ kơ 'nhĕng plah iŏk akăn đe, kư̆m 'nĕ 'nhĕng hnam đe, dah chŭn mir, đĭch drŏ-nglo đam drŏ-kăn, rơmo, aseh, dah tơmam kiơ nai.

Lu 16:5

Lu yŏng pơgơ̆r bơngai Philistin năm tơ hnam adruh 'noh khan: Ih athei lung sư, wă kơ băt sư đei jơhngơ̆m pran tih dêh 'noh đơ̆ng yơ păng lu bơ̆n athei pơm thoi yơ wă kơ kĕ rôp chô̆ sư gơh chu kơ nhôn, na rim 'nu kơ lu nhôn gô apah ih mơjĭt-pêng kĭ jên hu.