Jop 31:7 - Sơ̆p Hlabơar Nơ̆r 'Bok Kei-Dei

⁷ Tơdah jơ̆ng inh yak weh đơ̆ng trong 'lơ̆ng tơpăt, Tơdah jơhngơ̆m inh năm kiơ̆ măt inh lăng, Tơdah đei mơgrĭ klep lăm ti inh,

Jop 31:7 ပူးပေါင်းရင်းမြစ်များ

Jop 16:17

Mă khan inh ưh kơ đei pơm tơdrong kơnê̆ krưp ră, păng nơ̆r inh krao khan 'lơ̆ng rơgoh.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Jop 23:11

Jơ̆ng inh kiơ̆ jê̆ yak Sư Inh bơwei yak kiơ̆ trong sư, ưh kơ weh-woh.

Jop 27:5

Tơpă sĭt inh ưh kơ đei layơ khan jô̆ lu iĕm trŏ! Mă truh kơ lôch, inh oei jô̆ inh oei 'lơ̆ng tơpăt.

Jop 27:6

Inh khan tơpă inh 'lơ̆ng tơpăt, inh ưh kơ đei tơplih nơ̆r; Đĭ lăm chăl arih inh, jơhngơ̆m inh ưh kơ đei chrih kơ inh.

Jop 9:30

Mă khan inh hum hơpĕch hăm 'bŏng, păng ôp ti inh păng tơnuh.

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 14:7

Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.