Jop 31:34 - Sơ̆p Hlabơar Nơ̆r 'Bok Kei-Dei

³⁴ Yua kơ inh hli dêh kơ lu bơngai tơpôl, hli krê kơ adrĕch adrung che bơle, dĭng mah ngăn hreh, ưh kơ pơ̆n lĕch tơ 'nguaih kơ 'măng.

Jop 31:34 ပူးပေါင်းရင်းမြစ်များ

II Ho 32:18

Lu sư ôr tơkĕch re hăm nơ̆r Hêbrơ khan kơ lu kon pơlei Jêrusalem oei tơ kơpal dur pơlei kơtơ̆ng, wă kơ lu sư hli tơrơ na blah iŏk pơlei.

Ne 13:28

Đei minh 'nu lăm kon drŏ-nglo Jôiada, sâu Êliasip 'bok soi tơm, ŏng Sanbalat, bơngai Hôrôn; yua kơ thoi noh inh puh tơweh lê̆ sư.

Ne 5:7

Inh kư̆m hiơ̆k gah tơdrong noh, 'maih chrih kơ lu bơngai mơdrŏng păng lu bơngai pơm kuan tih: Inh khan: Lu iĕm chă jên kiĕng đơ̆ng lu 'nhŏng oh bơ̆n! Inh pơtơm akŭm minh khŭl lơ wă jet lu sư.

Esther 4:11

Đĭ-đăng mă lu kuan linh krĕo jang kơ pơtao, dah kon pơlei pơla lăm char pơtao đĭ-đăng băt ngăl mă drŏ-nglo dah drŏ-kăn ưh kơ gơh kơ mơ̆t tơ lăm anih pơtao tơdah pơtao ưh kơ krao, tơdah bu mơ̆t ưh kơ kiơ̆ tơdrong juăt đe gô pơlôch; mă-lei tơdah pơtao yơ̆r 'long jra maih lei bơngai noh arih. Đei pêng-jĭt năr boih pơtao ưh kơ đei krao inh mơ̆t.

Esther 4:14

Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Jop 22:8

Lu bơngai pran gơh kĕ ih ăn sư đei teh; Bơngai đei đe pơyom ih ăn oei tơ 'noh.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Le 32:27

Sư khan kơ đe noh: Kră Yang 'Bok Kei-Dei Isơrael khan thoi âu. Rim 'nu lu iĕm athei kiĕo đao tơ kơiĕng lu iĕm, chă yơyak jơ̆p lăm anih kon pơlei đơ̆ng 'măng jang 'nâu, tơ 'măng jang to păng rim 'nu lu iĕm athei pơlôch 'nhŏng oh iĕm, buăl juăt iĕm hăm lu bơngai tăp dăr kơ lu iĕm.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Je 38:16

Mă-lei pơtao Sêđekia pơkă hlơp hơdrô̆ hăm Jêrêmi: “Sĭt tơpă thoi Kră Yang arih, Tơ'ngla pơjing boih tơdrong arih lu bơ̆n, inh pơkă, inh ưh kơ pơlôch ih ôh, inh kư̆m ưh kơ pơjao ih kơ lu bơngai 'maih wă pơlôch ih!”

Je 38:19

Pơtao Sêđekia khan kơ Jêrêmi. Inh hli kơ bơngai Juđa mơ̆t bơngai Kalđê boih, na gô jao inh tơ lăm ti lu sư, pơm kơnê̆ kơ inh.’ ”

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.