Jop 31:30 - Sơ̆p Hlabơar Nơ̆r 'Bok Kei-Dei

³⁰ Inh ưh kơ ăn 'bơ̆r inh pơm yoch, Hiap pơtê̆ kơ tơdrong arih sư.

Jop 31:30 ပူးပေါင်းရင်းမြစ်များ

Jop 5:3

Inh 'bôh bơih lu bơngai kơtul rai chăt rơh, mă-lei pă 'biơ̆ đĕch Kră Yang gô hiap anih hnam sư oei.a

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Bôk Bơthô 5:2

'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Bôk Bơthô 5:6

'Nĕ ăn kơ 'bơ̆r ih pơm kơ akâu ih yoch na athei năm khan kơ 'bok soi, inh pơkă 'bơm glăi boih. Liơ ih pơm kơ Kră Yang 'Bok Kei-Dei yua kơ đơ̆ng nơ̆r ih pơkă, na mah Kră Yang pơrăm lê̆ đĭ tơdrong đêl ti ih pơm!

Mathiơ 12:36

Inh khan kơ iĕm tơpă, na mưh truh năr 'Bok Kei-Dei sek tơlang ning-mônh, Sư roi tôm dôm tơdrong 'bơ̆r iĕm pơma kơnê̆.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.