Jop 31:3 - Sơ̆p Hlabơar Nơ̆r 'Bok Kei-Dei

³ Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Jop 31:3 ပူးပေါင်းရင်းမြစ်များ

II Sam 18:10

Đei bơngai 'bôh, năm roi tơbăt kơ Jôap: “Inh 'bôh Apsalôm sư đom kơpal dơng 'long kôih.”

Jop 18:12

Tơdrong pran sư rơdu tơrăn yua kơ pơngot. Tơdrong răm truh răp 'bơ̆t cheng sư.a

Jop 20:29

Noh bơih mă tơdrong Kră Yang 'Bok Kei-Dei 'măn kơ lu bơngai pơm kơnê̆. Mŭk tơmam mă Kră Yang 'Bok Kei-Dei pơsư̆ kơ sư.

Jop 21:17

Hơdôm wơ̆t ŭnh kơđeng bơngai pơm kơnê̆ păt? Hơdôm wơ̆t tơdrong pơmat truh tuh tơ lu sư, Kră Yang 'Bok Kei-Dei hil phak lu sư?

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Jop 31:23

Yua kơ inh hli kơ tơdrong răm truh đơ̆ng Kră Yang 'Bok Kei-Dei, Inh hli krưp kơ tơdrong rang mơnhal Sư na inh ưh kơ layơ pơm tơdrong noh.

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 73:18

Tơpă Ih dan boih lu sư 'bơ̆t trong tơsĕr. Ăn kơ lu sư huŏng tơ lăm anih lôch hiong.

Tơdrông Pơđơk 1:27

Kơplah tơdrong hli krưp truh tơ lu iĕm thoi kial hơbŭt, păng tơdrong pơmat-tat truh tơ lu iĕm thoi kial phŭt, Tơdrong jĭ jăn pơmat-tat truh tơ lu iĕm.

Tơdrông Pơđơk 10:29

Trong Kră Yang kơđông kơjăp kơ bơngai tơpăt. Mă-lei đei tơdrong răm lăm lu bơngai pơm kơnê̆.

Tơdrông Pơđơk 21:15

Pơm tơdrong tơpăt noh băt pơhiôk, lu bơngai pơm 'lơ̆ng, Mă-lei đei tơdrong hli kơ lu bơngai pơm kơnê̆.

Êsai 28:21

Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Jo 16:30

Mă-lei tơdah Kră Yang pơm minh tơdrong kiơ 'nao, tơdah teh ha 'bơ̆r luăn lu sư păng dôm tơmam kiơ lu sư đei, kơplah lu sư oei arih mă-lei jur lăm anih lôch, lu iĕm gô băt lu bơngai 'nâu ưh kơ chu păng pơjăm Kră Yang.

Mathiơ 7:13

“Iĕm athei adrin mơ̆t trong 'măng iĕ mă năm tơ anih arih ling-lang. Trong 'măng tih mơ̆t 'bônh ră, mă-lei năm tơ dơnâu ŭnh 'Bok Kei-Dei phak, kư̆m lơ bơngai năm trong noh.

Rom 9:22

Na 'Bok Kei-Dei Sư kư̆m pơm gô mơ̆ng kơ Sư wă. Tơ̆ng kiơ̆ kơ Sư ơh, athei phak lu bơngai kơnê̆ dang ei trŏ, wă kơ kon bơngai jơ̆p kơ teh đak ư-ang kơ Sư Yang mơsêh pran kơtang. Mă-lei dang ei 'Bok Kei-Dei oei ĕnh kơ tơdrong phak noh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Lu 9:53

Na đei minh 'nu bơngai drŏ-kăn hơtat tơpăl đơ̆ng kơpal 'bơm kơ̆l Abimêlek pơchah hloi.