Jop 31:28 - Sơ̆p Hlabơar Nơ̆r 'Bok Kei-Dei

²⁸ tơdrong 'noh minh tơdrong yoch kơnê̆ trŏ kơ sek pơlôch, Yua kơ inh sơngah kơ Kră Yang 'Bok Kei-Dei tơ kơpal ti.

Jop 31:28 ပူးပေါင်းရင်းမြစ်များ

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

II Sam 3:32

Lăp lu sư 'bŭ Apner đang boih tơ Hêbrôn, na pơtao nhơ̆m hmoi ôr 'bơ̆t bơsat Apner; đĭ-đăng kon pơlei kư̆m wang nhơ̆m hmoi.

Jop 23:7

Tơ noh lu bơngai 'lơ̆ng tơpăt gơh roi pơdah tơdrong Sư 'bơ̆t anăp Kră Yang. Păng inh gơh klaih đơ̆ng sek tơlang ling-lang hlŏng hloi.

Jop 31:11

Tơdrong 'noh glăi yoch trăp tih dêh. Trŏ kơ sek tơlang phak,

Jop 31:27

Jơhngơ̆m inh đei pơhlŭ hơgơ̆m, păng 'bơ̆r inh chŭm chro ti inh rôp kơkuh pơyom,

Jop 9:15

Mă inh rơgoh huay kơ yoch kư̆m ưh kơ gơh pơma dŏng dih kâu, Inh lăp apinh mơnat đĕch đơ̆ng Tơ'ngla sek tơlang inh.

Horiso 50:6

Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Both 17:9

Năm roi kơ lu 'bok soi tơm adrĕch bơngai Lêwi păng kră sek tơlang hơgei mă oei jang lăm chăl noh, na apinh lu sư gô tơ'bôh ăn kơ iĕm băt sek tơlang trŏ.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.

Jôsuê 24:23

Jôsuê khan dơ̆ng: Thoi noh, dang ei, athei hŭt lê̆ bĕ yang tơmoi đơ̆ng lăm lu iĕm, athei đei jơhngơ̆m chu brŏk tơ Kră Yang 'Bok Kei-Dei Isơrael.

Jôsuê 24:27

Na Jôsuê pơma khan hăm đĭ-đăng kon pơlei: To, tơmo âu wă yua pơm kơdranh kơ lu bơ̆n; yua kơ sư đei kơtơ̆ng boih dôm nơ̆r Kră Yang đei khan kơ lu bơ̆n, sư gô pơm kơdranh plơ̆ ăn kơ lu iĕm, dah lu iĕm hơlĕnh ưh kơ chu Kră Yang 'Bok Kei-Dei lu iĕm.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

I Yo 2:23

Bơngai bu achăng tŭk Kon Sư, bơngai 'noh kư̆m achăng tŭk 'Bă Sư mơ̆n. Bơngai bu lui kơ Yêsu Kon 'Bok Kei-Dei, bơngai 'noh kư̆m juăt păng 'Bok Kei-Dei mơ̆n.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.

Lu 11:27

Inh ưh kơ đei pơm yoch hăm ih, mă-lei ih pơm glăi hăm inh, wă tơblah hăm inh. Apinh Kră Yang, tơ'ngla sek tơlang, sek tơlang ăn kơ lu bơngai Isơrael păng kon pơlei Ammôn!