Jop 31:15 - Sơ̆p Hlabơar Nơ̆r 'Bok Kei-Dei

¹⁵ Hăm trŏ Tơ'ngla pơjing inh lăm klak mĕ inh, kư̆m pơjing lu sư hai? Hăm trŏ lăp minh Kră Yang 'Bok Kei-Dei đĕch pơjing kơ lu yŏng păng lu đĭch?

Jop 31:15 ပူးပေါင်းရင်းမြစ်များ

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Jop 10:3

Ih hăm lăp wă pơjuă pơrăm inh, wă achăng lê̆ inh đơ̆ng ti Ih pơjing, Na hiôk iŏk tơdrong lu bơngai pơm kơnê̆ wă pơm hă?

Jop 31:14

Na inh wă pơm liơ mưh Kră Yang 'Bok Kei-Dei iung sek tơlang inh? Truh tơ Sư apinh jet inh. Inh gô tơl Sư lơliơ?

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Jop 4:17

‘Kon bơngai bơ̆n hăm đei bu 'lơ̆ng tơpăt 'bơ̆t anăp Kră Yang 'Bok Kei-Dei? 'Bơ̆t anăp Kră Yang Tơ'ngla pơjing hăm đei bu 'lơ̆ng rơgoh?

Horiso 119:73

Tơpang ti Ih pơjing păng man inh; Ăn kơ inh 'ngok hlôh wao, wă kơ inh hŏk kiơ̆ nơ̆r tơtă Ih.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?