Jop 30:26 - Sơ̆p Hlabơar Nơ̆r 'Bok Kei-Dei

²⁶ 'Bơ̆t mă inh răp gô tơdrong pŭn hiôk, tơdrong pơmat-tat truh; 'Bơ̆t mă inh chang tơdrong hơdah, tơdrong măng mu truh.

Jop 30:26 ပူးပေါင်းရင်းမြစ်များ

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Jop 18:6

Hơdah lăm bơsŭn sư gô măng mu, ŭnh kơđeng 'bơ̆t kơ̆l sư đe gô tơpăt.

Jop 19:8

Kră Yang war dur găn chĭt trong kuă ăn kơ inh năm truh. Pơm măng mu chĭt trong inh yak.

Jop 23:17

Yua kơ măng mu klơ̆p gom inh ưh kơ wă ngăn ôh Măng klăm hơ'bơ̆l gom klơ̆p lê̆ muh măt inh.b

Jop 29:18

Inh tơchĕng khan: “Inh gô lôch lăm anih tơpu inh; Năr inh gô rai lơ thoi chuơh đak dơsĭ;”

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 59:9

Lei na tơdrong tơpăt hơnơ̆ng ataih kơ lu bơ̆n, tơdrong 'lơ̆ng tơpăt kư̆m ưh kơ kĕ truh jê̆ lu bơ̆n. Lu bơ̆n chang tơdrong hơdah mă-lei 'nâu tă tơ tơdrong măng mu, lu bơ̆n chang tơdrong hơdah hơdong mă-lei yak năm lăm tơdrong măng mu.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 15:18

Yua kơ kiơ tơdrong chhŭr nuih inh oei đei ling-lang, jĭ rơka lăm jơhngơ̆m inh rai dêh ưh kơ kĕ kơ klaih? Hăm trŏ Ih pơm kơ inh thoi thong đak ro ưh kơ tơpă, thoi tu đak hrĕng kro?

Je 8:15

Lu bơ̆n oei chang wă kơ đei hiôk-hian, mă-lei ưh kơ đei tơ'bơ̆p tơdrong hiôk. Bơ̆n chang wă kơ klaih, mă-lei tă kơ đei tơdrong hli hlơt krưp truh.

Nhom 3:2

Sư ba păng chông yak năm lăm măng mu! Ưh kơ đei hơdah ôh.

Mi 1:12

Kon pơlei Marôt đĭ rơmơ̆n rơmŏ chang gô tơdrong pŭn hiôk, tơdrong gleh đơ̆ng Kră Yang tơjruh boih tơ 'măng jang Jêrusalem.