Jop 29:14 - Sơ̆p Hlabơar Nơ̆r 'Bok Kei-Dei

¹⁴ Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

Jop 29:14 ပူးပေါင်းရင်းမြစ်များ

Jop 27:5

Tơpă sĭt inh ưh kơ đei layơ khan jô̆ lu iĕm trŏ! Mă truh kơ lôch, inh oei jô̆ inh oei 'lơ̆ng tơpăt.

Jop 27:6

Inh khan tơpă inh 'lơ̆ng tơpăt, inh ưh kơ đei tơplih nơ̆r; Đĭ lăm chăl arih inh, jơhngơ̆m inh ưh kơ đei chrih kơ inh.

Jop 31:36

Tơpă inh gô tôi tơdrong kơnê̆ 'noh tơ kơpal hơngiĕng inh. Yơ̆l sư thoi môk pơtao.

Horiso 119:121

Inh pơm boih tơdrong tơpăt păng tơdrong trŏ, 'Nĕ jao inh kơ lu bơngai pơjuă pơđep inh.

Horiso 132:9

Ăn kơ 'bok soi Ih hrŭk iŏk tơdrong 'lơ̆ng tơpăt; Lu bơngai 'lơ̆ng rơgoh Ih gô hơri hiôk chơt.

Êsai 28:5

Lăm năr noh kơnh Kră Yang Tih Hloh gô jing thoi hơgăl pơkao rang mơnhal, păng hơgăl pơkao 'lơ̆ng rŏ kơ lu kon pơlei Sư mă oei oei.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Sa 3:5

Inh khan dơ̆ng: “Yơ̆l bĕ môk rơgoh tơ kơpal kơ̆l ih.” Thoi noh đe pơyơ̆l ăn môk rơgoh tơ kơ̆l sư; đơ̆ng noh đe pơhrŭk ăn ao tai kơ sư; linh jang Kră Yang oei dơ̆ng tơ noh.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

Êphêsô 6:14

Kơplah bơ̆n oei tơblah, bơ̆n athei dơ̆ng kơtă anih hloi, gơhret tơlei tơ̆n bơ̆n mă kơjăp; noh wă pơtih gia kơ bơ̆n đei đon tơpăt boih. Bơ̆n athei hrŭk ao mam wă pĕng akâu bơ̆n; noh wă khan bơ̆n athei pơm 'lơ̆ng kơ đe.

Both 24:13

tơdah pơkơ̆ng ao tai athei pơdrâu ăn kơ bơngai noh adrol kơ măt 'năr mơ̆t, wă kơ sư tep đei ao sư hrŭk tep, lei na sư bơnê kơ iĕm, jô̆ iĕm bơngai 'lơ̆ng tơpăt 'bơ̆t anăp Kră Yang 'Bok Kei-Dei iĕm.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.