Jop 29:13 - Sơ̆p Hlabơar Nơ̆r 'Bok Kei-Dei

¹³ Bơngai wă jê̆ lôch sơkat tuh ăn kơ inh pŭn hiôk. Đơ̆ng inh, jơhngơ̆m bơngai adro chơt hiôk.

Jop 29:13 ပူးပေါင်းရင်းမြစ်များ

Jop 22:9

Ih pơpuh bơngai adro brŏk tơpang ti hoh. Lu bơngai mơti ih pơjuă lê̆ anih sư gơnang.

Horiso 67:4

Ơ jơ̆p kơ teh đak chơt hiôk hơri 'nă hal bĕ; Yua kơ Kră Yang 'Bok Kei-Dei Sư sek tơlang tơpăt ăn kơ kon pơlei. Păng pơgơ̆r chông ba kon bơngai. Lăm teh đak. Sêla

Tơdrông Pơđơk 11:26

Bơngai bu mong 'ba sa kơdih, kon pơlei blei hiap, Mă-lei bơngai bu đei tĕch 'ba gô sơkat ăn pŭn hiôk.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 65:14

'Nâu lu đĭch đam Inh gô hơri ư-ang yua kơ jơhngơ̆m chơt hiôk, Mă-lei lu iĕm gô nhơ̆m ôr yua kơ jĭ jơhngơ̆m. Lu iĕm gô nhơ̆m ôr yua kơ jơhngơ̆m pơmat-tat.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 24:13

tơdah pơkơ̆ng ao tai athei pơdrâu ăn kơ bơngai noh adrol kơ măt 'năr mơ̆t, wă kơ sư tep đei ao sư hrŭk tep, lei na sư bơnê kơ iĕm, jô̆ iĕm bơngai 'lơ̆ng tơpăt 'bơ̆t anăp Kră Yang 'Bok Kei-Dei iĕm.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Ru 2:20

Naômi tơl mŏ mai sư thoi âu: Apinh Kră Yang ăn pŭn hiôk kơ sư, yua kơ Kră Yang ưh kơ lê̆ ôh pơm 'lơ̆ng kơ lu bơngai lôch păng lu bơngai oei arih. Naômi khan kơ sư dơ̆ng. 'Bok noh jĭ kơtum bơ̆n jê̆, sư noh gơh huai iŏk mŭk tơmam bơ̆n dơ̆ng.