Jop 27:6 - Sơ̆p Hlabơar Nơ̆r 'Bok Kei-Dei

⁶ Inh khan tơpă inh 'lơ̆ng tơpăt, inh ưh kơ đei tơplih nơ̆r; Đĭ lăm chăl arih inh, jơhngơ̆m inh ưh kơ đei chrih kơ inh.

Jop 27:6 ပူးပေါင်းရင်းမြစ်များ

Jop 13:18

Inh đei hơmet bơih nơ̆r inh wă pơma dŏng, Inh băt tơpă gô jei inh.

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Jop 2:3

Kră Yang khan kơ Satan: “E hăm 'bôh Jop bơngai mă hli yom kơ Inh, jơ̆p lăm teh đak ưh kơ đei bu thoi Jop minh 'nu bơngai 'lơ̆ng tơpăt, hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆? Mă khan e apinh Inh wă kơ pơrăm sư tơdrong kơ đei, sư oei wei 'lơ̆ng tơpăt.”

Jop 27:7

Rŏ kơ phak lu ayăt kơ inh thoi lu bơngai pơm kơnê̆, Lu bơngai blah inh sek phak lu sư thoi bơngai ưh kơ tơpăt.

Jop 29:14

Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

Jop 31:6

Apinh Kră Yang 'Bok Kei-Dei dan inh tơ kơpal 'long kŏng mă trŏ, Na Sư gô băt kơ inh 'lơ̆ng tơpăt.

Jop 31:7

Tơdah jơ̆ng inh yak weh đơ̆ng trong 'lơ̆ng tơpăt, Tơdah jơhngơ̆m inh năm kiơ̆ măt inh lăng, Tơdah đei mơgrĭ klep lăm ti inh,

Jop 32:1

Pêng 'nu bơngai 'noh ưh pă đei tơl nơ̆r Jop, yua kơ Jop khan kơ kơdih bơngai 'lơ̆ng tơpăt.

Jop 32:2

Mă-lei Êlihu, kon drŏ-nglo Barakel, bơngai Busit, adrĕch adrung Ram, Sư hil kơ Jop, yua kơ Jop khan sư bơngai 'lơ̆ng tơpăt hloh kơ Kră Yang 'Bok Kei-Dei 'lơ̆ng.

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Jop 6:29

Inh apinh lu iĕm tơchĕng lăng dơ̆ng, 'nĕ chă jâu kư̆ kă. Apinh lu iĕm lăng hơlen bĕ, inh ưh kơ đei yoch.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.