Jop 27:2 - Sơ̆p Hlabơar Nơ̆r 'Bok Kei-Dei

² Kră Yang 'Bok Kei-Dei arih pơm kơdranh kơ inh, Sư ưh kơ wă sek ăn kơ inh tơpăt Kră Yang Tih Hloh, pơm kơ chăl arih inh chhŭr nuih.

Jop 27:2 ပူးပေါင်းရင်းမြစ်များ

II Sam 2:27

Jôap tơl: Inh pơkă 'bơ̆t anăp Kră Yang 'Bok Kei-Dei Arih ling-lang, tơdah ih ưh kơ pơma lei linh wă druh lu iĕm dĭng truh tơ dơning mă pơdơh.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:15

Êli tơl: “Inh dơ̆ng 'bơ̆t anăp Kră Yang tih hloh oei arih, inh gô tơ'bơ̆p Ahap năr 'nâu.”

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

Jop 10:3

Ih hăm lăp wă pơjuă pơrăm inh, wă achăng lê̆ inh đơ̆ng ti Ih pơjing, Na hiôk iŏk tơdrong lu bơngai pơm kơnê̆ wă pơm hă?

Jop 16:11

Kră Yang 'Bok Kei-Dei jao inh kơ lu bơngai pơrăm, klơ̆m inh lăm ti bơngai pơm kơnê̆.

Jop 19:6

Iĕm athei băt 'nâu đơ̆ng Kră Yang 'Bok Kei-Dei pơmat pơrăm inh, păng dăng hơnhuăl Sư tăp kơ inh.

Jop 23:16

Kră Yang 'Bok Kei-Dei pơm kơ inh rơmơ̆n rơmok. Kră Yang Tih Hloh pơm kơ inh hli tơrơ;

Jop 34:5

Yua kơ Jop đei khan: ‘Inh bơngai 'lơ̆ng tơpăt, Mă-lei Kră Yang 'Bok Kei-Dei ưh kơ jô̆ khan inh 'lơ̆ng tơpăt.

Jop 35:2

Ih tơchĕng ih pơma trŏ hă? Ih khan: “Inh ưh kơ pơm yoch 'bơ̆t anăp Kră Yang 'Bok Kei-Dei.”

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Jop 9:17

Sư pơm kial hơbŭt tơpơ̆k inh, păng pơm kơ rơka rai să tơdrong kơ đei.

Jop 9:18

Sư ưh kơ ăn kơ inh hơya chă kial dui jơhngơ̆m, mă-lei roi ăn kơ inh sơ'ngon rai dêh.

Êsai 40:27

Ơ adrĕch Jakôp lơliơ iĕm khan: Ơ bơngai Isơrael lơliơ iĕm pơma tơtok: “Trong inh đĭ ôn pĕng lê̆ bơih đơ̆ng Kră Yang; 'Bok Kei-Dei inh ưh pă gan lăng inh bơih?

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Jo 14:21

Mă-lei Inh Kră Yang oei arih na pơkă, tơdrong ư-ang Kră Yang gô 'bĕnh-'bang jơ̆p-jang kơ teh đak,

Ru 3:13

'Bĭch bĕ măng âu tơ âu, pơgê dơning inh gô năm apinh tơdah bơngai noh sư wă huai iŏk ih, sư athei huai iŏk bĕ, mă-lei tơdah bơngai noh ưh kơ lăp đon wă huai iŏk ih, lei inh gô pơkă 'bơ̆t anăp Kră Yang mă arih ling-lang tơpă inh gô huai iŏk ih! Ih tep bĕ tơ âu dĭng truh pơgê dơning.

I Sam 14:39

Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 20:21

Đơ̆ng noh, inh gô wơh đĭch đam inh na khan kơ sư: Năm dônh lu 'brơ̆m hră to, tơdah inh khan kơ sư: To 'brơ̆m hră pah âu e, iŏk wăi, noh wă khan hiôk hiang na ih athei lĕch: Kră Yang arih ling-lang gô pơm kơdranh. Inh khan kơ ih, ưh kơ đei hli kiơ ôh!

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

I Sam 25:34

Tơpă Kră Yang 'Bok Kei-Dei mă arih ling-lang lu bơngai Isơrael, jơ̆ Kră Yang găn inh ưh ăn kơ inh pơrăm ih, tơdah ih ưh kơ hăt hot tơ'bơ̆p inh, na truh pơgê dơning ưh kơ đei minh 'nu bơngai drŏ-nglo ayơ mă oei arih lăm hnam Nabal.