Jop 25:3 - Sơ̆p Hlabơar Nơ̆r 'Bok Kei-Dei

³ Khŭl linh Sư hăm đei bu kĕ jô̆? Tơdrong hơdah Sư hăm đei bu mă Sư ưh kơ đei pơchrang?

Jop 25:3 ပူးပေါင်းရင်းမြစ်များ

Jop 16:13

Lu đe prah hră Sư wang tăp tang kơ inh, Sư 'bet klĕch boh-lăn inh, ưh pă mơnat, Sư tuh lê̆ đak kơmăt inh tơ teh.

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Mathiơ 26:53

Dah Inh wă dang ei Inh gơh apinh 'Bă Inh tơjur tơpơh-jĭt rơbâu 'nu linh jang 'lơ̆ng Sư blah dŏng bơ̆n.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Tơdrông Tơ'bôh 5:11

Đơ̆ng noh inh 'bôh dơ̆ng tăp dăr kơ tang-dŏ 'Bok Pơtao păng tăp dăr puăn anăn hăm 'bar-jĭt puăn 'nu lu đe kră ei, inh 'bôh lơlang lơlap ưh kơ băt dôm yơ rơbâu hơngan trĭu 'nu lu linh jang 'lơ̆ng.