Jop 24:5 - Sơ̆p Hlabơar Nơ̆r 'Bok Kei-Dei

⁵ To, lu bơngai dơnuh hơwŏl hơwônh chă nhen thoi aseh iĕ tơ tơmăn glă; chă tơmam sa ăn kơ lu kon sư. Thoi aseh iĕ chă sa tơ lăm bri brah.

Jop 24:5 ပူးပေါင်းရင်းမြစ်များ

Bl 16:12

Kon hơ'lơ̆p noh gô thoi aseh bri; tơpang ti sư gô iung blah khŭl đe nai, đe nai kư̆m gô blah sư, sư gô oei ayăt kơ lu 'nhŏng oh sư.”

Bl 27:40

E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Jop 24:14

'Nao 'brưch bơngai pơlôch đe iung, pơlôch lu bơngai dơnuh hin păng hoh răm; Tơ kơmăng lu sư thoi lĕ bơngai tơtông.

Jop 24:6

Lu sư chă dônh sa, hơnong 'ba tơ lăm mir chŭn, Dônh mok plei hơmu lăm pơgar lu bơngai pơm kơnê̆.

Jop 5:5

Lu bơngai pơngot sa đĭ dôm lu plei sư phĕ yuă. Lu sư kư̆m sa plei chăt đơ̆ng lăm rơ̆m jơla; păng lu bơngai rơhing, 'nhĕng kơ mŭk tơmam lu sư.

Horiso 104:23

Na kon bơngai, lĕch năm jang, Bơ̆jang dĭng truh kơ kơsơ̆.

Tơdrông Pơđơk 4:16

Tơdah lu sư ưh tam mă pơm kơnê̆, lu sư ưh kơsŭk tep; Tơdah lu sư ưh tam mă pơm kơ đe, lu sư kral ưh kơ tep.

Je 2:24

thoi aseh bri akăn juăt kơ tơ anih glă, chă 'bâu hiup tơno. Bu kĕ găn kơplah sư oei chhônh? Lu tơno ưh kơ ngĕ chơchă ôh truh bơyan sư gô đei tơ'bơ̆p akăn noh.

Hôsia 7:6

Lu sư pơgơ̆p jơhngơ̆m lu sư wă pơm kơnê̆ tơtŏ thoi tơnuh ŭnh; lu bơngai 'buh 'bĕng, khưi prăt măng bơngai 'buh 'bĕng tep truh pơgê hrôih na tơnuh ŭnh khơ̆ng thoi pla ŭnh.

Hôsia 8:9

Lu sư tŏk boih tơ dêh Asiri, thoi minh pôm aseh iĕ bri chă hoang hơdrô̆; lu bơngai Êphraim tĕch lu sư boih tơ lu bơngai pơm pơyô kư̆ kă mă lu sư hưch.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Jang 23:12

Pơgê dơning dơ̆ng lu bơngai Juđê mơ'nah akŭm pơđâu wă pơlôch Pôl. Lu sư pơma hiap kơdih khan: “Dah bơ̆n sŏng sa nhă đak tam mă pơlôch Pôl, mă bơ̆n lôch kơ 'Bok Kei-Dei pơrăm.”