Jop 21:21 - Sơ̆p Hlabơar Nơ̆r 'Bok Kei-Dei

²¹ Yua kơ lu sư ưh kơ tơtăm kiơ truh kơ hnam dơnŏ, Đơ̆ng rŏng kơ lu sư lôch.

Jop 21:21 ပူးပေါင်းရင်းမြစ်များ

Jop 14:21

Dah lu kon tơdăm sư đe pơyom, sư kư̆m ưh kơ băt; Dah đe pơjăm lu sư, sư kư̆m ưh kơ 'bôh.

Jop 14:5

Khei 'năr kon bơngai arih Kră Yang đĭ hơgăt lê̆ bơih. Kră Yang băt đĭ kơsô̆ khei 'năr sư arih Kră Yang hơgăt lê̆ bơih năr tôch sư, lei sư ưh kơ gơh arih hloh kơ năr noh.

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Jop 21:22

Bu pơ̆n bơtho Kră Yang 'Bok Kei-Dei, Kơplah Sư sek tơlang mă lu linh jang?

Horiso 102:24

Inh khan: “Ơ Kră Yang 'Bok Kei-Dei inh! 'Nĕ kơ iŏk lê̆ inh tŏk-bŏk oei hơmuh hơmŏng. Lu sơnăm Ih oei oei ling-lang.”

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.