Jop 21:19 - Sơ̆p Hlabơar Nơ̆r 'Bok Kei-Dei

¹⁹ Lu iĕm khan: “Kră Yang 'Bok Kei-Dei 'măn tơdrong pơm kơnê̆ sư ăn kơ kon hơ'lơ̆p sư.” Apinh Kră Yang 'Bok Kei-Dei tơwih tơdrong noh kơ lu sư kơdih, wă kơ lu sư băt;

Jop 21:19 ပူးပေါင်းရင်းမြစ်များ

Bl 4:7

Dah ih pơm 'lơ̆ng liơ ih ưh kơ pơ̆n ngơk muh măt? Na mưh ưh kơ pơm 'lơ̆ng, to tơdrong yoch răp gô 'bơ̆t 'măng 'ngeng kơ ih dêh mă-lei ih 'nĕ kơ ăn jei sư.”

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Jop 22:24

Tơdah ih hŭt lê̆ maih tơ teh, păng klơ̆m maih ôphir tơ tơmo hơga lăm thong đak hrơ̆,

Horiso 54:5

Sư gô pơm tơwihc kơ lu bơngai ayăt kơ inh; Apinh pơlôch bĕ lu sư, kiơ̆ thoi tơdrong 'lơ̆ng tơpăt Ih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Êsai 14:21

Hơmet bĕ tơdrong pơlôch kon sâu lu sư yua kơ tơdrong yoch lu yă 'bok lu sư, 'Nĕ ăn kơ lu sư iung iŏk teh đak, pơjing plei tih kơjăp jơ̆p kơ teh đak dơ̆ng!

Je 31:29

Lăm năr noh đe ưh pă đei khan: ‘'Bă sa plei hơmu iŭ, na kon sâu sư hơker hơnĕnh.’

Êsêkiên 18:14

Mă-lei, tơdah bơngai mă yoch 'nâu sư đei kon drŏ-nglo dơ̆ng, kon sư 'bôh tôm tơdrong yoch 'bă sư hlôi pơm glăi, 'bôh noh sư ưh kơ pơm yoch thoi noh.

Êsêkiên 18:2

“Lu iĕm tơchĕng nơ̆r âu pơđơ̆k kơ teh đak Isơrael wă khan kiơ? ‘Chăl 'bă sư sa plei hơmu iŭ, chăl kon hơker hơnĕnh,’

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Both 32:34

Dôm tơdrong thoi noh gô 'blŏk răk, inh wei sư lăm hnam mong tơmam gĭt inh.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.