Jop 20:25 - Sơ̆p Hlabơar Nơ̆r 'Bok Kei-Dei

²⁵ Sư toh 'brơ̆m noh đơ̆ng kơdŭ rŏng, 'Brơ̆m suĕng 'bet klĕch tơ klơm kơmăt sư. Sư hli krưp tơpă.

Jop 20:25 ပူးပေါင်းရင်းမြစ်များ

II Sam 18:14

Jôap tơl: “Inh ưh kơ wă gô mơ̆ng dâu ôh,” sư chĕp pêng hlak hơlă 'bet hloi plei nuih Apsalôm, 'bơ̆t sư oei arih đom kơpal dơng 'long kôih.

Jop 15:21

Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

Jop 16:13

Lu đe prah hră Sư wang tăp tang kơ inh, Sư 'bet klĕch boh-lăn inh, ưh pă mơnat, Sư tuh lê̆ đak kơmăt inh tơ teh.

Jop 18:11

Tơdrong hli krưp đơ̆ng puăn pah pơm kơ sư tơrơ. Trŏ kơ sư druh kiơ̆ jê̆ kơnơl jơ̆ng sư.

Jop 18:14

Đe puh sư đơ̆ng lăm bơsŭn, anih mă sư oei hơđơ̆ng. Anhăk ba sư truh tơ pơtao hli krưp.

Jop 27:20

Tơdrong hli krưp truh tơ lu sư nhen thoi đak lơ̆p; Kial hơbŭt kơmăng puh pơđông lê̆ lu sư.

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Horiso 7:12

Tơdah lu bơngai kơnê̆ ưh kơ tơbral, Kră Yang 'Bok Kei-Dei gô pat đao Sư, Hơ'năk lê̆ hră Sư răp tơ noh

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Horiso 88:15

Inh pơmat-tat wă lôch iŏk đơ̆ng oei 'lơ̆p. Inh hli krưp păng tơrơ dêh.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.