Jop 19:27 - Sơ̆p Hlabơar Nơ̆r 'Bok Kei-Dei

²⁷ Inh gô 'bôh Sư păng măt inh kơdih, Măt inh gô 'bôh Sư, păng lăng Sư ưh pă hlĭch boih inh chang gô dĭng truh mă klơm klak inh hŏnh.

Jop 19:27 ပူးပေါင်းရင်းမြစ်များ

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 119:81

Bơhngol inh rơdu rơmơ̆n chang gô tơdrong dŏng pơklaih đơ̆ng Ih. Mă-lei Inh hơmĕng kơ nơ̆r Ih.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Êsai 33:17

Măt ih gô 'bôh pơtao lăm tơdrong 'lơ̆ng rŏ sư păng ih gô lăng 'bôh teh đak pơih rai să.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.