Jop 19:14 - Sơ̆p Hlabơar Nơ̆r 'Bok Kei-Dei

¹⁴ Buăl juăt tơm achăng lê̆ inh bơih, lu bơngai mă juăt dêh hăm inh kư̆m hiơt kơ inh.

Jop 19:14 ပူးပေါင်းရင်းမြစ်များ

Bl 40:23

Đơ̆ng noh bơngai mă lăng pôk đak nhă kư̆m đĭ hiơt kơ Jôsep boih, pă 'blŏk kơ Jôsep dơ̆ng.

II Sam 16:23

Lăm kơplah noh đe lăng tơdrong tơchĕng Ahithôphel nhen thoi nơ̆r pơma đơ̆ng tơ'ngla Kră Yang 'Bok Kei-Dei. Lu tơdrong tơchĕng Ahithôphel, mă pơtao Đawit, păng Apsalôm, tă kơ mơ̆ng kiơ̆ nơ̆r Ahithôphel thoi noh ngăl.

Jop 19:15

Lu buăl juăt păng lu drŏ-kăn awih awăn kơ inh lăng inh thoi bơngai nai. Inh thoi bơngai tơmoi nai lu sư ưh kơ băt kơ inh.

Jop 19:19

Đĭ-đăng lu buăl inh juăt dêh 'brơ̆ kơ inh; Lu bơngai mă inh 'mêm kư̆m pơm plơ̆ kơ inh mơ̆n.

Jop 42:11

Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Horiso 31:12

Inh jing bơngai lu sư hiơt, d thoi lôch boih, Inh thoi minh pôm ge pơchah pơchek.

Horiso 38:11

Lu buăl juăt lu bơngai mơnat kơ inh oei ataih đơ̆ng inh yua kơ inh đei pơmat-tat. Păng 'nhŏng oh inh oei ataih kơ inh mơ̆n.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.