Jop 18:12 - Sơ̆p Hlabơar Nơ̆r 'Bok Kei-Dei

¹² Tơdrong pran sư rơdu tơrăn yua kơ pơngot. Tơdrong răm truh răp 'bơ̆t cheng sư.a

Jop 18:12 ပူးပေါင်းရင်းမြစ်များ

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Horiso 109:10

Ăn kơ lu kon sư jing răm-'băm păng jing ăn-mai. Puh lu sư chă sa ataih đơ̆ng anih hnam đe pơrăm boih.

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Sam 2:36

Bơngai bu mă oei arih lăm adrĕch ih gô năm apinh minh hlak jên hu păng minh tơpei 'bĕng, na khan, Inh wă apinh ih, tơmơ̆t inh lăm lu 'bok soi wă kơ inh đei 'bĕng sa.

I Sam 2:5

Lu bơngai phĭ jơnap athei jang kơ đe wă kơ đei tơmam sa. Mă-lei lu bơngai pơngot pă đei pơngot dơ̆ng. Drŏ-kăn hơwŏng tơpŭ đei tơpơh 'nu kon, Mă-lei drŏ-kăn đei kon lơ bơih oei sơ'ngon.