Jop 16:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Jop 16:10 ပူးပေါင်းရင်းမြစ်များ

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

II Ho 18:23

Sêdêkia, kon drŏ-nglo Kênaana, năm jê̆ tap tơ'bŏk Mikaia păng jet: “Trong ayơ Yang Bơhngol Kră Yang lĕch đơ̆ng inh năm roi kơ ih?”

Jop 16:11

Kră Yang 'Bok Kei-Dei jao inh kơ lu bơngai pơrăm, klơ̆m inh lăm ti bơngai pơm kơnê̆.

Jop 30:12

Gah 'ma kơ inh, minh khŭl bơngai kơlĕl iung blah; Blah inh kơdâu tơrơ. Sir sơlŭng wă pơrăm inh.

Horiso 22:13

Lu sư ha 'bơ̆r wă pơm kơ inh thoi dăm-brang châu hek sa păng grĕnh.

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

Horiso 35:15

Mă-lei lăm năr inh đei tơdrong truh, lu sư akŭm băl chơt hiôk, Lu sư akŭm pơđâu wă pơm kơnê̆ kơ inh, na inh ưh kơ băt, Lu sư hek sa inh pă đei pơdơh.

Horiso 35:21

Lu sư ha 'bơ̆r wă pơm kơ inh, Na khan: “Ơ, ơ! Măt lu bơ̆n 'bôh boih.”

Horiso 56:6

Lu sư pơđâud chop lănge đêl jơ̆ng inh yak. Lu sư 'maih pơrăm tơdrong arih inh.

Horiso 94:21

Lu sư pơđâu băl wă pơm kơnê̆ kơ lu bơngai tơpăt. Păng sek pơlôch lu bơngai ưh kơ đei yoch.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Nhom 2:16

Dôm lu ayăt kơ iĕm ha 'bơ̆r khan kơ iĕm, Hiĕk achơ̆, kăp hơnĕnh, thoi âu: Lu bơ̆n luăn lê̆ sư boih! 'Nâu trŏ boih năr mă lu bơ̆n chang gô,

Nhom 3:30

Sư athei ăn meng sư kơ đe tap, chu iŏk bĕ tơdrong kơdơ̆ mơlâu.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Jang 23:2

'Bok soi tơm, anăn sư Anania, kơtơ̆ng thoi noh, sư athei lu bơngai oei 'bơ̆t jê̆ Pôl tap Pôl 'bơ̆t kang.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

II Kor 11:20

Iĕm chu kơ lu bơngai noh, iĕm jing bơngai đĭch; sư sa yua kơpah tơmam iĕm, sư pơgŏ iĕm, iĕm chu sư pơjuă kơtĭt iĕm, sư tap 'bŏ iĕm.