Jop 14:10 - Sơ̆p Hlabơar Nơ̆r 'Bok Kei-Dei

¹⁰ Mă-lei kon bơngai dah lôch bơih, pă đei kiơ, kon bơngai kơtĕch jơhngơ̆m năm tơ yơ?

Jop 14:10 ပူးပေါင်းရင်းမြစ်များ

Bl 49:33

Kơplah sư hơpơi pơma dôm nơ̆r noh kơ lu kon drŏ-nglo sư đang boih, na Jakôp yon jơ̆ng sư tơ giơng dơ̆ng, na kơtĕch jơhngơ̆m, wih brŏk kiơ̆ yă 'bok sư.

I Ho 29:15

Yua kơ 'bơ̆t anăp Ih lu nhôn păng lu yă 'bok nhôn jơ̆ bơngai tơmoi, chăl arih lu nhôn tơ kơpal teh nhen thoi ngôi ưh kơ đei anih wă hơmĕng.

Jop 10:18

Liơ Ih ăn kơ inh lĕch đơ̆ng klak mĕ inh? 'Lơ̆ng hloh kơ inh lôch 'bơ̆t đe tam mă 'bôh inh

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Jop 13:9

Lu iĕm hăm đei apah bơnê tơdah Sư lăng lăm jơhngơ̆m iĕm? Iĕm tơchĕng gơh hơlĕnh kơ Sư thoi hơlĕnh kơ kon bơngai hă?

Jop 14:12

Kon bơngai lôch bơih ưh pă arih dơ̆ng. Dĭng truh tơ plĕnh teh ưh pă đei kon bơngai kư̆m tam mă iung arih 'mơ̆i. Ưh kơ đei bu mă gơh râu tơiung sư đơ̆ng lôch.

Jop 14:9

Mưh đei hơyuh đak, sư gô chăt tơ'biĕng, păng bluh dơ̆ng thoi minh tơnơm 'long.

Jop 19:26

Mă đơ̆ng rŏng kơ akar inh tơlŏng bơih, Inh hơpơi rŏ oei 'bôh Kră Yang 'Bok Kei-Dei, hăm akâu akar âu.

Jop 20:7

Sư gô hiong hach ling-lang thoi ĭch sư kơdih. Lu bơngai mă juăt kơ 'bôh sư jet; “sư tơ yơ bơih?”

Jop 3:11

“Liơ inh ưh kơ lôch hloi lăm năr 'nao jruh. Ưh kơtĕch jơhngơ̆m hloi lăp hlôi đơ̆ng mĕ inh.

Jop 3:13

Dah inh lôch dang ei inh 'bĭch hiôk bơih, inh tep păng pơdơh hiôk.

Jop 7:21

Yua kơ kiơ Ih ưh kơ mơnat ăn tơdrong yoch inh păng huay pă jô̆ tơdrong yoch inh. Ưh pă đunh bơih inh gô 'bĭch lăm 'mui teh; Ih gô chơchă inh, mă-lei pă đei inh bơih.”

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Bôk Bơthô 3:20

Pơđĭ kơ bre sư gô brŏk tơ minh anih, đĭ kơ bre sư jing đơ̆ng 'mui teh, đĭ kơ bre sư kư̆m gô brŏk tơ 'mui teh.

Bôk Bơthô 3:21

Bu gơh băt tơpă bơhngol kon bơngai păr tŏk tơ plĕnh, dah bơhngol kon sem brem jur tơ teh?

Mathiơ 27:50

Yêsu ôr pơret dơ̆ng, na pơjao bơhngol Sư kơ 'Bok Kei-Dei kơtĕch jơhngơ̆m hloi.

Jang 5:10

Yă Sepir pơ̆k lôch 'bơ̆t jơ̆ng Pêtrôs hloi. Lăp lu đe tơdăm truh mơ̆t tơ hnam ei, 'bôh yă Sepir lôch dơ̆ng, lu sư tung 'bŭ yă Sepir kư̆m jê̆ klo sư mơ̆n.