Jop 12:7 - Sơ̆p Hlabơar Nơ̆r 'Bok Kei-Dei

⁷ Mă-lei apinh sem bri, lu sư gô bơtho pơhrăm kơ iĕm. Apinh lu sem păr, lu sư gô roi ăn kơ iĕm;

Jop 12:7 ပူးပေါင်းရင်းမြစ်များ

Bl 1:21

Kră Yang 'Bok Kei-Dei pơjing lu ka tih păng lu kon sem brem arih lăm đak rai lơ kiơ̆ kơ adrĕch sư. Kră Yang 'Bok Kei-Dei 'bôh tơdrong noh 'lơ̆ng.

Bl 1:25

Kră Yang 'Bok Kei-Dei pơjing kơ lu sem bri kiơ̆ kơ adrĕch păng lu hơdrông kơep lep-ler, lu sem dơrong kiơ̆ kơ adrĕch. Kră Yang 'Bok Kei-Dei 'bôh tơdrong noh 'lơ̆ng.

Jop 12:6

Bơsŭn lu bơngai tơgar jing mơdrŏng, Lu bơngai che bơle kơ Kră Yang 'Bok Kei-Dei oei hiôk hơđơ̆ng lăm ti lu sư Kră Yang 'Bok Kei-Dei ăn đei mŭk tơmam rơkah rơkai.

Jop 12:8

Dah ih pơma dơnuh hăm teh, teh gô bơtho tơ'bôh kơ iĕm. Hăm lu ka đak dơsĭ, lu sư gô roi pơdah ăn kơ iĕm băt.

Jop 8:10

Mă-lei lu 'bok kră sơ̆ lu sư gô bơtho tơ'bôh kơ ih, mơ̆ng bĕ dôm tơdrong kiơ đêl lu sư băt hlôh,

Tơdrông Pơđơk 30:24

Lăm teh đei puăn kon sem brem iĕ, Mă-lei lu sư đei đon hơgei dêh:

Tơdrông Pơđơk 6:6

Ơ lu bơngai hơlah, năm lăng bĕ kơtu hmôch; Lăng mă nhen păng hŏk iŏk wă kơ hlôh wao.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Je 8:7

Klang kok tơ rơwơ̆ng kư̆m băt kơ bơyan, păng sem kơtơp, sem pleng păng sem chơgơi, kư̆m băt kơ khei 'năr brŏk; mă-lei kon pơlei pơla Inh ưh kơ băt ôh khôi juăt Kră Yang.

Rom 1:20

Đơ̆ng Sư pơjing plĕnh teh sơ̆ khơ̆ dang ei kon bơngai băt tôm tơmam đơ̆ng 'Bok Kei-Dei ngăl. Thoi noh kon bơngai băt nhên kơ 'Bok Kei-Dei Sư Yang tơm mơsêh mơyang ưh kơ tôch. Mă-lei kon bơngai bơ̆n oei khan ưh kơ đei 'Bok Kei-Dei 'mơ̆i, kon bơngai bơ̆n hơlĕnh dêh tơpă.