Jop 12:24 - Sơ̆p Hlabơar Nơ̆r 'Bok Kei-Dei

²⁴ Sư iŏk lê̆ tơdrong hơgei đơ̆ng lu yŏng kơdră lăm tơring. Pơm kơ lu sư nơnăm wơ̆l kư̆ kă chă trong ưh kơ đei thoi lăm char glă.

Jop 12:24 ပူးပေါင်းရင်းမြစ်များ

Jop 12:20

Sư ăn 'bơ̆r bơngai mă đe gơnang kơmlo, păng iŏk lê̆ tơdrong hơgei đơ̆ng lu kră.

Jop 17:4

Ih ăn kơ đon tơchĕng lu sư ưh kơ hlôh, Na Ih ưh kơ ăn jei lu sư.

Horiso 107:4

Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

Horiso 107:40

Sư tuh tơdrong đe areh kơ lu bơngai pơgơ̆r. Ăn kơ lu sư yak thông lăm char glă ưh kơ đei trong.

Horiso 59:12

Yua kơ yoch đơ̆ng 'bơ̆r lu sư, nơ̆r đơ̆ng hơkŭng lu sư păng yua kơ lu sư pơma blei hiap hăm hơlĕnh. Ăn kơ lu sư 'leh đom lăm tơdrong pơang lu sư kơdih!

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.

Da 4:13

Inh lăng lu tơdrong lăm kơ̆l 'ngok inh 'bôh, kơplah inh oei 'bĭch kơpal giơng păng âu, inh đei 'bôh minh 'nu yang 'lơ̆ng rơgoh wei-lăng tơnơm 'long noh sư jur đơ̆ng plĕnh.

Da 4:16

Tơplih lê̆ bĕ jơhngơ̆m đon sư, gô ăn kơ sư jơhngơ̆m kon sem brem; păng dĭng truh tơpơh sơnăm.

Da 4:33

Kơplah lăm jơ noh, nơ̆r pơma noh đei trŏ sĭt kơ pơtao Nebukatnessar, pơtao mă đe gô puh tơweh đơ̆ng kon bơngai; sa 'nhĕt thoi rơmo; akâu jăn pơtao gô hơiuh kơ đak ngom jur đơ̆ng plĕnh, dĭng truh sŏk kơ̆l sư chăt thoi sŏk sem kring, tơngiơh sư kư̆m thoi tơngiơh sem brem.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.