Jop 12:15 - Sơ̆p Hlabơar Nơ̆r 'Bok Kei-Dei

¹⁵ Sư bơ̆ găn lê̆ đak, đak glung hrơ̆ hrĕng hloi; Sư ăn 'mi đak lơ̆p kơ teh hloi,

Jop 12:15 ပူးပေါင်းရင်းမြစ်များ

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Bl 7:11

Kơplah noh Nôê tơdrâu-hrĕng sơnăm, khei 'bar năr mơjĭt-tơpơh, trŏ kơ năr noh, dôm lu tu đak đôh pơchah đak bluh đơ̆ng teh, đơ̆ng kơpal plĕnh kư̆m pơih tơjur đak.

Bl 8:1

Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 17:7

Mă-lei đơ̆ng rŏng kơ noh 'biơ̆ đak thong 'noh hrơ̆, yua kơ ưh kơ đei đak 'mi tơ lăm char noh.

Jop 12:10

Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Jop 28:25

Layơ Sư ăn tơdrong kơtang kơ kial. Gơh kŏng tơng lăng đak.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Both 11:17

Kơplah noh Kră Yang gô hil mĭl kơ lu iĕm, sư gô tang lê̆ plĕnh, na ưh pă đei đak 'mi dơ̆ng, teh pă đei plei sa: Lu iĕm gô lôch hiong đơ̆ng lăm dêh char 'lơ̆ng, mă đơ̆ng Kră Yang ăn kơ lu iĕm.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.