Jop 12:13 - Sơ̆p Hlabơar Nơ̆r 'Bok Kei-Dei

¹³ Kră Yang 'Bok Kei-Dei gơh hơgei păng Mơsêh Mơyang gơh băt păng hlôh wao.

Jop 12:13 ပူးပေါင်းရင်းမြစ်များ

Jop 11:6

Rŏ kơ Sư tơ'bôh ăn kơ ih băt tôm tơdrong hlơp gah tơdrong hơgei. Yua kơ Sư hlôh băt tôm tơdrong mă bơngai ưh kơ gơh hlôh. Thoi noh, ih gô băt kơ Kră Yang 'Bok Kei-Dei phak ih ưh kơ mah dang tơdrong yoch kơnê̆ ih pơm.

Jop 12:16

Tơdrong pran kơtang păng hơgei lăm Sư. Lăm Sư ngăl lu bơngai wơ̆l jrok păng lu bơngai mă pơm kơ đe wơ̆l jrok,

Jop 26:12

Kră Yang iŏk tơdrong mơsêh Sư pơm kơ đak dơsĭ hơđơ̆ng ngơ-ngơ̆n. Yua tơdrong gơh hơgei Sư na teh tơhuŏng lê̆ Rahap.

Jop 36:5

Kră Yang 'Bok Kei-Dei Tơ'ngla Mơsêh Mơyang ưh kơ đei pơjăm bu. Sư hơgei hlôh wao kloh klĕch.

Jop 38:36

Bu ăn tơdrong gơh hơgei lăm jơhngơ̆m păng ăn bơih tơdrong hlôh wao lăm kơ̆l 'ngok?

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 147:5

Kră Yang lu bơ̆n tih tơpă, đei tơdrong mơsêh mơyang. Tơdrong gơh hơgei Sư pă băt dang yơ.

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Êsai 31:2

Mă-lei Kră Yang gơh hơgei! Sư bơih Tơ'ngla ăn tơdrong pơrăm truh. Kră Yang nơ̆r Sư pơma ưh kơ tơplih. Sư gô iung blah lu adrĕch adrung bơngai pơm kơnê̆, păng blah lu bơngai tơgŭm lu bơngai pơm kơnê̆.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

Da 2:20

Đơ̆ng noh, Đaniel pơih 'bơ̆r pơma khan: Kơkuh bơnê kơ Kră Yang 'Bok Kei-Dei ling-lang hlong hloi! Yua kơ tơdrong hơgei păng mơsêh lăm Sư.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Rom 11:34

Tơdrong noh kư̆m thoi đe chih lăm hla bơar 'Bok Kei-Dei thoi âu: “Bơ̆n kon bơngai ưh kơ băt ôh tơdrong 'Bok Kei-Dei tơchĕng thoi yơ, păng ưh kơ đei bu bơtho Sư tăm.

I Kor 1:24

Mă-lei gah bơ̆n mă 'Bok Kei-Dei rơih iŏk boih, mă bơngai Juđê mă bơngai nai, tơdrong Yêsu Krist lôch tơ 'long pơglang 'noh, bơ̆n băt tơdrong Yêsu Krist tơgŭm bơ̆n tôch bơneh tơpă păng 'Bok Kei-Dei mơsêh mơyang tơpă, hơgei tôm tơdrong, na Sư mah ăn Yêsu lôch tang bơ̆n.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Êphêsô 1:8

Sư kư̆m ăn kơ bơ̆n hơgei gơh hlôh wao nhên

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.