Jop 12:10 - Sơ̆p Hlabơar Nơ̆r 'Bok Kei-Dei

¹⁰ Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Jop 12:10 ပူးပေါင်းရင်းမြစ်များ

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Bl 6:17

Gah Inh, Inh gô ăn đak lip jơ̆p kơpal teh âu, wă pơrăm đĭ lu adrĕch sĕch akar mă đei dui jơhngơ̆m păng kial mă oei ala plĕnh, đĭ-đăng lu kon sem brem kơpal teh gô lôch goh đĭ.”

Jop 27:3

Dang yơ inh oei dui jơhngơ̆m, oei đei hơyuh kial arih Kră Yang 'Bok Kei-Dei oei lăm trôm muh inh.

Jop 27:8

Lu bơngai ưh kơ lui đei chang hơmĕng kiơ mưh chăl arih âu tôch, Mưh Kră Yang 'Bok Kei-Dei pơdrâu lê̆ tơdrong arih lu sư?

Jop 33:4

Yang bơhngol 'lơ̆ng Kră Yang 'Bok Kei-Dei pơjing inh bơih, Hơyuh kial dui jơhngơ̆m Kră Yang Tih Hloh ăn kơ inh arih.

Horiso 104:29

Layơ Ih ôn muh măt, lu sư rŭng răng. Layơ Ih pơdrâu kial dui jơhngơ̆m. Lu sư lôch păng brŏk tơ 'mui teh.

Horiso 104:30

Wă ih ăn Bơhngol đơ̆ng Ih, lu sư jing đei hloi. Ih pơm ming teh jing 'nao dơ̆ng.

Bôk Bơthô 9:1

'Nâu tơdrong mă inh oei tơchĕng. Lu bơngai pơm 'lơ̆ng tơdrong hơgei păng tơdrong lu sư pơm, đĭ-đăng oei lăm tơpang ti Kră Yang 'Bok Kei-Dei ngăl; sư 'mêm kơ bu, areh kơ bu, kon bơngai ưh kơ đei bu băt ôh: Đĭ-đăng tơdrong noh, tơdrong tơ anăp kơnh ngăl.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Yo 3:6

Mĕ bơ̆n tơpŭ kơ bơ̆n sơ̆, noh păng akâu sư kơdih. Mă-lei bơ̆n tơpŭ ming 'nao dơ̆ng, 'noh đơ̆ng Yang Bơhngol 'Lơ̆ng pơm kơ bơ̆n.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

Jang 17:28

Tơdrong noh 'bok thây iĕm kư̆m chih mơ̆n sơ̆ khan: ‘'Bok Kei-Dei ăn kơ bơ̆n gơh arih gơh bơ̆jang.’ 'Bok thây iĕm kư̆m chih thoi âu: ‘Bơ̆n kư̆m kon 'Bok Kei-Dei mơ̆n.’