Jop 10:21 - Sơ̆p Hlabơar Nơ̆r 'Bok Kei-Dei

²¹ Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

Jop 10:21 ပူးပေါင်းရင်းမြစ်များ

II Sam 12:23

Mă-lei dang ei sư lôch boih, inh wă ơ̆t kơ sŏng sa pơm kiơ dơ̆ng? Inh hăm gơh pơm kơ sư wơ̆t tơ âu dơ̆ng? Inh gô năm tơ sư, mă-lei sư ưh pă gơh wơ̆t wih tơ inh dơ̆ng.”

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Jop 10:22

Tơ anih măng mu găm, măng klăm tơdrong rŭng, anih noh ưh kơ hơdah, măng mu đĕch.

Jop 16:22

Oei pă tŏ sĕt sơnăm đĕch bơih inh lôch, na inh gô năm mă ưh pă đei wih dơ̆ng.

Jop 17:13

Dah inh chang gô arih lôch pơm hnam, Dah inh hơmet anih inh tep lăm măng mu;

Jop 3:13

Dah inh lôch dang ei inh 'bĭch hiôk bơih, inh tep păng pơdơh hiôk.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Jop 34:22

Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Jop 38:17

Hăm đei bu tơ'bôh kơ ih 'măng jang pơlei lôch? Ih tam 'bôh 'măng pơlei măng mu gueo?

Horiso 23:4

Mă inh năm lăm thŭng yơ̆p tơdrong lôch, inh ưh kơ hli kơ răm, yua kơ Kră Yang oei hăm inh; 'long băl hăm 'long jra Ih pơlung inh.

Horiso 39:13

Ơ Kră Yang! Apinh Ih mơnat kơ inh. Wă kơ inh đei jơhngơ̆m dơ̆ng, Adrol kơ inh wă năm păng ưh pă đei dơ̆ng.”

Horiso 49:20

Bơngai mơdrŏng mơng, Mă-lei ưh kơ hlôh wao Kŭm thoi sem brem gô hiong răm.

Horiso 88:13

Gah inh ơ Kră Yang! Inh krao apinh Ih Lăp 'brưch pơgê hrôih nơ̆r inh apinh truh boih 'bơ̆t anăp Ih.

Horiso 88:6

Ih 'măn boih inh tơ kơđĕl sơlŭng jrŭ. Tơ anih măng mu gueo lăm sơlŭng jrŭ hơnhuey.

Bôk Bơthô 11:8

Dah bơngai arih sot 'bôh hơdah đunh sơnăm, lei athei chơt hiôk bĕ tôm dôm lu sơnăm noh; mă-lei athei 'blŏk gô đei năr măng mu kơnê̆ păng gô đei lơ tơdrong tơ anăp bơ̆n ưh tam băt hơđăl thoi yơ tơpă.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 38:11

Inh khan: “Inh gô ưh pă 'bôh bơih Kră Yang, Kră Yang mă oei tơ teh lu bơngai arih, inh ưh pă 'bôh bơih kon bơngai oei arih dah oei hơdai hăm kon bơngai lăm teh đak âu.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’