Jôna 1:17 - Sơ̆p Hlabơar Nơ̆r 'Bok Kei-Dei

¹⁷ Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Jôna 1:17 ပူးပေါင်းရင်းမြစ်များ

Bl 1:21

Kră Yang 'Bok Kei-Dei pơjing lu ka tih păng lu kon sem brem arih lăm đak rai lơ kiơ̆ kơ adrĕch sư. Kră Yang 'Bok Kei-Dei 'bôh tơdrong noh 'lơ̆ng.

Jôna 2:10

Kră Yang athei ka, na ka năm hăk lê̆ Jôna tơ jih đak dơsĭ.

Jôna 4:6

Đơ̆ng noh, Kră Yang ăn đei tơnơm hla hro kơpal bơsŭn Jôna, wă pơm yơ̆p kơ sư, wă kơ sư hiôk huay kơ tŏ, Jôna sư hiôk dêh yua kơ đei tơnơm noh hro.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Mathiơ 16:4

Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, ka luăn sư pêng măng pêng năr, na ning-mônh 'Bok Kei-Dei kư̆m tơ'bôh kơ iĕm tơdrong mơsêh thoi noh mơ̆n, wă kơ iĕm băt Inh đơ̆ng Sư tơpă.” Đang kơ Sư pơma thoi noh Sư năm hloi tơ nai.