Jo 8:26 - Sơ̆p Hlabơar Nơ̆r 'Bok Kei-Dei

²⁶ Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.

Jo 8:26 ပူးပေါင်းရင်းမြစ်များ

I Ho 23:32

Thoi noh bơngai Lêwi lu sư kư̆m hiơ̆k wei-lăng bơsŭn anih akŭm păng anih rơgoh, pơm kiơ̆ kơ kon sâu Arôn, 'nhŏng oh lu sư, wă bơ̆jang lăm hnam Kră Yang.

Êsêkiên 44:11

Lu sư gơh bơ̆jang lăm anih hnam akŭm Inh, bơ̆jang wei gak 'măng jang anih hnam akŭm Inh, bơ̆jang lăm hnam akŭm. Lu sư gơh pơlôch tơmam soi 'buh păng lu tơmam soi nai ăn kơ lu kon pơlei; lu sư gô dơ̆ng 'bơ̆t anăp kon pơlei awih awăn kơ lu sư.

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 18:4

Lu sư gô pơgơ̆r hơdai ih, bơ̆jang lăm Bơsŭn Anih Akŭm, đĭ-đăng tơdrong jang lăm Bơsŭn; lu bơngai tơmoi nai ưh kơ gơh năm jê̆ ôh,

Jo 3:32

Yŏng pơgơ̆r tih hloh lu adrĕch bơngai Lêwi noh Êlêasar, kon drŏ-nglo Arôn 'bok soi tơm; sư jao ăn kơ Êlêasar wei-lăng păng pơgơ̆r lu bơngai bơ̆jang lăm anih rơgoh.

Jo 31:30

Mă oei minh puăt noh ăn kơ adrĕch Isơrael, mă bơngai, rơmo, aseh iĕ, dah triu, wă khan lu kon sem dơrong, ih kư̆ iŏk mưh đei pơđăm-jĭt ih iŏk minh 'măn lê̆ pha păng jao ăn kơ adrĕch Lêwi bơngai jang lăng Bơsŭn Anih Akŭm Kră Yang.

Jo 8:25

mă-lei truh tơ pơđăm-jĭt sơnăm lu sư gô pơdơh ưh pă bơ̆jang dơ̆ng.

I Tim 4:15

Ih athei pơm kiơ̆ kơ dôm tơdrong inh pơkă kơ ih âu. Ih athei adrin tơpă thoi noh na wă kơ đĭ-đăng bôl lăng ih rai đunh rai kơjăp gah tơdrong 'Bok Kei-Dei.