Jo 35:20 - Sơ̆p Hlabơar Nơ̆r 'Bok Kei-Dei

²⁰ Dah đei bu mă yua kơ klai areh na tơlơ̆ đe, dah pơrơ̆ng klơ̆m hăm tơmam kiơ, yua kơ tơdrong noh na đe lôch;

Jo 35:20 ပူးပေါင်းရင်းမြစ်များ

Bl 4:5

Mă-lei ưh kơ đei lăng Kain păng kư̆m ưh kơ iŏk tơmam soi sư, na Kain blĕk dêh mah 'bri 'bra muh măt sư.

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

II Sam 20:10

Mă-lei Amasa ưh kơ đei 'bôh ôh đao tơ ti gah 'ngiĕo Jôap, iŏk đao 'bet hloi klak Amasa, klak Amasa lĕch tơ teh, na sư lôch. Jôap ưh kơ kăl 'bet đơ̆ng mă 'bar. Jôap păng 'nhŏng sư Abisai năm druh 'moi Sêba, kon Bikri dơ̆ng.

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

Horiso 11:2

Yua kơ to, lu bơngai kơnê̆ gŭt hră, tah 'brơ̆m 'bơ̆t tơlei. Wă prah đơ̆ng lăm măng mu, tơ jơhngơ̆m lu bơngai đei đon tơpăt.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Tơdrông Pơđơk 26:24

Bơngai bu hil areh, pơm 'brach gah 'nguaih praih pơrŏ. Lăm jơhngơ̆m hơ-ơ̆m oei răk tơdrong kơnê̆.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Jo 35:19

Lu bơngai iung kơting, gô pơlôch lu bơngai pơlôch đe; layơ lu bơngai wă iung kơting chă 'bôh tơ'bơ̆p lu bơngai mă pơlôch sư athei pơlôch hloi.

Jo 35:21

dah yua kơ blĕk khŏn pơm 'mong na teh tŭr, yua kơ đơ̆ng tơdrong noh na đe lôch, bơngai bu mă pơm thoi noh đe pơlôch sư hloi. Noh jô̆ bơngai pơlôch bơngai; tơdah bơngai iung kơting chă 'bôh bơngai pơlôch đe noh athei pơlôch lê̆ sư.

Markôs 6:19

Kơlih kơ Yôhan khan thoi noh na duch Hêrôđia hil kơ Yôhan, athei đe pơlôch sư, mă-lei ưh kơ gơh,

Luka 4:29

Lu sư gruih graih iung rôp hloi Yêsu anhăk tơlĕch Sư đơ̆ng pơlei ei năm tơ kông 'bơ̆t jê̆ pơlei sư ei wă hiŏng hơtat Sư đơ̆ng kơpal jih nak 'nei ră.

Jang 20:3

Pôl oei tơ ei pêng khei. Klaih kơ noh sư wă năm tơ dêh char Siri ră, na sư kơtơ̆ng lu bơngai Juđê wă rôp pơrăm lê̆ sư. Thoi noh na sư brŏk trong đêl sư năm hơdrol ei dơ̆ng, gah trong dêh char Masêđôn.

Jang 23:21

Apinh ih 'nĕ chu kơ lu sư hŏ yua kơ lu sư đei loi puăn-jĭt 'nu bơngai wă răp pơlôch mih Pôl. Đĭ-đăng lu sư ei pơkă dih băl păng hiap akâu sư kơdih khan: ‘Dah bơ̆n sŏng sa nhă đak tam mă pơlôch Pôl lei jah ăn 'Bok Kei-Dei pơrăm bơ̆n đĕch 'lơ̆ng hloh.’ Lu sư hơmet tôm boih. Lu sư oei chang gô ih anhăk mih Pôl năm tơ lu kră sek tơlang đĕch dang ei.”

Both 19:11

Mă-lei tơdah đei minh 'nu bơngai drŏ-nglo hil areh kơ bơngai rông 'bôt sư, chă đon wă răp pơlôch bơngai noh, bơngai noh lôch, na kơdâu ôn kơ'nơp kơdih lăm minh lu pơlei 'nâu,

I Sam 18:25

Sôl khan kơ lu sư: Lu iĕm năm roi kơ Đawit; Pơtao ưh kơ đei apinh minh tơdrong kiơ ôh, kăl kơ minh-hrĕng tŏ kơ̆l tơmam drŏ-nglo bơngai Philistin, wă kơ pơm 'mong tơwih kơ lu bơngai ayăt kơ sư. Na Sôl chă đon wă pơm ăn kơ Đawit puh hiong lăm tơpang ti kon pơlei Philistin.

I Sam 20:1

Đawit klĕnh đơ̆ng Naiôt lăm pơlei Rama, năm tơ Jônathan, na apinh Jônathan: Inh đei pơm yoch kiơ, tơdrong kơnê̆ kiơ? Inh pơm tơdrong yoch kiơ hăm 'bă ih, na mă sư chă đon wă pơlôch inh?

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.