Jo 31:54 - Sơ̆p Hlabơar Nơ̆r 'Bok Kei-Dei

⁵⁴ Thoi noh, Môis păng Êlêasar 'bok soi iŏk maih đơ̆ng yŏng pơgơ̆r minh-rơbâu linh păng đơ̆ng yŏng pơgơ̆r minh-hrĕng linh, na chĕp ba tơ Bơsŭn Anih Akŭm pơm tơmam wă kơ 'blŏk kơ lu adrĕch Isơrael 'bơ̆t anăp Kră Yang.

Jo 31:54 ပူးပေါင်းရင်းမြစ်များ

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Horiso 115:1

Ưh kơ trŏ kơ lu nhôn, ơ Kră Yang, ưh kơ trŏ kơ lu nhôn. Mă-lei trŏ kơ ư-ang kơ Ih. Yua kơ tơdrong 'mêm mơnat păng tơdrong 'lơ̆ng tơpăt Ih.

Horiso 145:7

Đe gô pơm giĕng 'blŏk hơdơ̆r kơ tơdrong 'lơ̆ng Ih. Păng hơri ư-ang kơ tơdrong tơpăt Ih.

Horiso 18:49

Thoi noh, Ơ Kră Yang, inh gô ư-ang kơ Ih lăm kon pơlei pơla, Păng hơri bơnê kơ Ih.

Le 28:12

Klaih kơ noh tah 'bar tŏ tơmo gĭt tơ tơlei 'băk tơ hơngiĕng wă pơm 'blŏk hơdơ̆r kơ kon drŏ-nglo Isơrael; Arôn gô 'băk anăn lu sư tơ 'bar pah hơngiĕng sư wă kơ 'blŏk 'bơ̆t anăp Kră Yang.

Le 30:16

Thoi noh ih ra iŏk jên wă kơ huai tơdrong arih lu bơngai Isơrael, na yua jên 'noh ih tơmơ̆t lăm tơdrong jang lăm Bơsŭn Anih Akŭm, 'noh jing tơmam 'blŏk hơdơ̆r kơ kon pơlei Isơrael pơyơ̆r ăn kơ Kră Yang, wă kơ gơh huai tơdrong arih kơdih akâu iĕm.

Sa 6:14

Môk pơtao gô oei lăm Hnam Kră Yang jing tơmam wă kơ 'blŏk hơdơ̆r kơ Helđai, Tôbia, Jêđaia păng Hen kon dăm Sêphania.”

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jôsuê 4:7

Lei lu iĕm tơl: Noh wă khan đak Krong Jôrđăn tơklah kơplah Hom Pơgơ̆p Kră Yang năm rok đak krong, na đak krong khơ̆t kơtĕch tŏk-bŏk, tơmo âu wă pơm kơ kon pơlei Isơrael 'blŏk hơdơ̆r ling-lang.