Jo 31:30 - Sơ̆p Hlabơar Nơ̆r 'Bok Kei-Dei

³⁰ Mă oei minh puăt noh ăn kơ adrĕch Isơrael, mă bơngai, rơmo, aseh iĕ, dah triu, wă khan lu kon sem dơrong, ih kư̆ iŏk mưh đei pơđăm-jĭt ih iŏk minh 'măn lê̆ pha păng jao ăn kơ adrĕch Lêwi bơngai jang lăng Bơsŭn Anih Akŭm Kră Yang.

Jo 31:30 ပူးပေါင်းရင်းမြစ်များ

I Ho 23:32

Thoi noh bơngai Lêwi lu sư kư̆m hiơ̆k wei-lăng bơsŭn anih akŭm păng anih rơgoh, pơm kiơ̆ kơ kon sâu Arôn, 'nhŏng oh lu sư, wă bơ̆jang lăm hnam Kră Yang.

II Ho 14:15

Kŭm đei blah tơgar iŏk lu anih wei sem dơrong, rôp ba triu păng lăk-đa lơ tơpă, đơ̆ng noh lu sư wih brŏk tơ pơlei Jêrusalem.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 3:25

Tơdrong jang lu kon drŏ-nglo Gersôn lăm bơsŭn wei-lăng đĭ-đăng tơmam kiơ kiơ lăm Bơsŭn Anih Akŭm noh wă khan che klơ̆p bơbŭng Bơsŭn păng che pĕng 'măng Bơsŭn Anih Akŭm,

Jo 3:31

Tơdrong jang lu kon sư noh wei-lăng Hom Tơdrong Pơgơ̆p, gơ'bang, jơ̆ng ŭnh kơđeng, chơnang soi păng lu tơmam yua lăm anih rơgoh wă yua lăm tơdrong akŭm kơkuh hăm che pĕng gom păng dôm tơdrong 'bơm lăm tơdrong jang 'noh.

Jo 31:28

Gah tơmam kơ lu linh năm tơblah, mă bơngai, dah rơmo, aseh iĕ dah triu, ih athei iŏk minh lăm pơđăm-hrĕng na akŭm pơyơ̆r ăn kơ Kră Yang;

Jo 31:29

wă khan na iŏk minh puăt đơ̆ng lăm tơmam lê̆ kơ linh tơblah noh păng ăn kơ Êlêasar, 'bok soi, pơm tơmam pơyơ̆r ăn kơ Kră Yang.

Jo 31:31

Môis păng Êlêasar, 'bok soi, pơm kiơ̆ thoi nơ̆r Kră Yang đei khan kơ Môis.

Jo 8:26

Mă-lei kư̆m oei tơgŭm lu 'nhŏng oh lu sư lăm Bơsŭn Anih Akŭm, wă jang wei-lăng dôm lu tơmam mă đei pơjao boih kơ lu sư bơngai Lêwi, mă-lei lu sư ưh pă đei bơ̆jang boih. Ăn kơ ih athei pơm kiơ̆ tơdrong juăt noh kơ bơngai Lêwi kơplah ih pơjao ăn kơ lu sư tơdrong jang.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.