Jo 31:28 - Sơ̆p Hlabơar Nơ̆r 'Bok Kei-Dei

²⁸ Gah tơmam kơ lu linh năm tơblah, mă bơngai, dah rơmo, aseh iĕ dah triu, ih athei iŏk minh lăm pơđăm-hrĕng na akŭm pơyơ̆r ăn kơ Kră Yang;

Jo 31:28 ပူးပေါင်းရင်းမြစ်များ

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

II Ho 15:11

Lăm năr noh lu sư iŏk tơpơh-hrĕng tŏ rơmo tơno păng tơpơh-rơbâu tŏ triu hăm bơbe, lu kon sem dơrong mă đơ̆ng lu sư blah iŏk, pơyơ̆r pơm tơmam soi bơnê kơ Kră Yang.

Êsai 18:7

Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Jo 18:21

Bĕ gah lu kon sâu Lêwi, Inh ăn kơ lu sư yua iŏk đơ̆ng tơmam lu adrĕch Isơrael pơyơ̆r minh lăm mơjĭt apah lu sư jang lăm Bơsŭn Anih Akŭm.

Jo 18:26

Ih athei khan ăn kơ bơngai Lêwi thoi âu: Tơdah layơ lu iĕm đei iŏk minh lăm mơjĭt mă Inh ăn đơ̆ng kon pơlei pơyơ̆r noh wă pơm mŭk tơmam iĕm, na iŏk bĕ minh lăm mơjĭt đơ̆ng tơmam noh na jing pơm tơmam pơyơ̆r soi ăn kơ Kră Yang.

Jo 31:29

wă khan na iŏk minh puăt đơ̆ng lăm tơmam lê̆ kơ linh tơblah noh păng ăn kơ Êlêasar, 'bok soi, pơm tơmam pơyơ̆r ăn kơ Kră Yang.

Jo 31:30

Mă oei minh puăt noh ăn kơ adrĕch Isơrael, mă bơngai, rơmo, aseh iĕ, dah triu, wă khan lu kon sem dơrong, ih kư̆ iŏk mưh đei pơđăm-jĭt ih iŏk minh 'măn lê̆ pha păng jao ăn kơ adrĕch Lêwi bơngai jang lăng Bơsŭn Anih Akŭm Kră Yang.

Jo 31:47

Lăm minh puăt noh asong kơ adrĕch Isơrael, Môis klah lê̆ kư̆ lăm pơđăm-jĭt tŏ minh pôm, mă bơngai dah sem tơmam păng pơjao ăn kơ bơngai Lêwi wă bơ̆jang wei-lăng Bơsŭn Anih Akŭm Kră Yang, kiơ̆ trŏ thoi Kră Yang đei pơkă khan kơ sư.

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Jôsuê 6:19

Hu, maih păng đĭ-đăng tơmam pơm hăm kong mam 'măn lê̆ pha kơ Kră Yang, tơmam noh rơgoh gô tah tơmơ̆t lăm hnam mong tơmam Kră Yang.

Jôsuê 6:24

Đơ̆ng noh lu sư soh rông chhông đĭ hnam lăm pơlei păng đĭ lu tơmam lăm noh, Hu, Maih, kong, mam đĕch tah lăm hnam mong tơmam Kră Yang.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.