Jo 31:13 - Sơ̆p Hlabơar Nơ̆r 'Bok Kei-Dei

¹³ Môis, Êlêasar 'bok soi păng đĭ-đăng lu yŏng pơgơ̆r năm tơ'bơ̆p lu linh tơ đaih kơ kơđông linh.

Jo 31:13 ပူးပေါင်းရင်းမြစ်များ

Bl 14:17

Đơ̆ng rŏng kơ Abram blah Kêtrôlaôme păng khŭl pơtao gah sư jei boih, na pơtao Sôđôm năm đih sơng sư tơ lăm thŭng Sawê, wă khan thŭng pơtao.

Lêwi 4:22

Tơdah đei yŏng pơgơ̆r ayơ mă yua kơ hơch 'bơm pơm yoch minh tơdrong lăm nơ̆r tơtă Kră Yang 'Bok Kei-Dei Sư khă ưh kơ ăn pơm, mă đei pơm yoch boih.

Jo 19:11

Bơngai bu mă jê̆ hơtŭt kơ akâu bơngai lôch bơngai noh jing 'mê̆ lăm tơpơh năr.

Jo 31:12

Lu sư chông păng chĕp ba pơđĭ bơngai dah lu mŭk tơmam mă đơ̆ng lu sư blah iŏk ăn kơ Môis păng Êlêasar, 'bok soi păng ăn kơ lu adrĕch bơngai Isơrael oei tơ kơđông tơ lăm tơmăn glă char Môap, jê̆ đak Krong Jôrđăn, tơklă pơlei Jêrikô.

Jo 31:14

Môis sư hil kơ lu yŏng, wă khan lu yŏng pơgơ̆r linh lăm minh-rơbâu păng yŏng pơgơ̆r lăm minh-hrĕng 'nu linh mă 'nao brŏk đơ̆ng tơblah 'nâu.

Jo 5:2

Ih athei khan kơ adrĕch bơngai Isơrael puh tơweh lê̆ đĭ-đăng lu bơngai kơnê̆ 'mê̆-'mach lu đei jĭ apoh, lu bơngai đei jĭ jăn lĕch đak đuh păng lu bơngai mă đei hơtŭt 'bơm kơ akâu bơngai lôch bơngai ayơ mă 'mê̆-'mach noh.

I Sam 15:12

Pơgê năr đơ̆ng rŏng, sư năm tơ'bơ̆p Sôl, đei bơngai năm roi kơ Samuel: Sôl hlôi năm tơ Karmel boih, pơdơ̆ng tơmo wă tơ'blŏk kơ sư; đơ̆ng noh na wih jur tơ Gilgal.

I Sam 30:21

Đawit brŏk truh tơ anih lu 'bar-hrĕng 'nu bơngai mă pơdơh kơ lap, ưh pă kĕ kiơ̆ lu sư, 'bơ̆t Thong Bêsôr, 'bar-hrĕng 'nu bơngai 'noh năm sơng Đawit păng lu bơngai linh kiơ̆ sư; Đawit năm jê̆ na jet lu sư hăm oei liĕm akâu ưh.