Jo 27:11 - Sơ̆p Hlabơar Nơ̆r 'Bok Kei-Dei

¹¹ Tơdah 'bă lu sư ưh kơ đei 'nhŏng oh ôh, lei jao ăn teh jang noh kơ lu 'nhŏng oh bơngai bu mă jê̆ hloh; păng bơngai noh iŏk jang sa. Noh jĭ minh tơdrong juăt păng tơdrong tơtă ăn kơ adrĕch adrung Isơrael, kiơ̆ thoi Kră Yang đei pơkă khan ăn kơ Môis.

Jo 27:11 ပူးပေါင်းရင်းမြစ်များ

Je 32:8

Hanamel, kon drŏ-nglo ma inh, trŏ thoi nơ̆r Kră Yang khan năm tơ'bơ̆p inh tơ anih cham lu linh gak păng khan: “Apinh ih huai iŏk mir na inh tơ Anathôt, lăm char Bênjamin, yua kơ ih trŏ kơ gơh răt iŏk mir noh. Ih răt iŏk bĕ.” Na inh băt noh jĭ nơ̆r Kră Yang.

Lêwi 25:25

Tơdah 'nhŏng oh lu iĕm hoh kơ'bah, wă tĕch hai 'biơ̆ teh jang sa sư, na bơngai mă 'nhŏng oh tơ jê̆ bơngai noh athei răt huai iŏk teh noh.

Lêwi 25:49

Mih ma sư, dah kon mih ma sư kơlĕ, dah minh 'nu adrĕch sư kư̆m gơh huai pơdrâu iŏk sư, tơdah sư kơdih kĕ đei mơdrŏng, sư kư̆m gơh huai pơdrâu sư kơdih.

Jo 27:10

Tơdah sư ưh kơ đei 'nhŏng oh pôm mĕ 'bă lei ăn kơ lu 'nhŏng oh 'bă sư.

Jo 35:29

Mă khan lu iĕm oei tơ dêh char ayơ lu iĕm răk tơdrong juăt 'nâu na sek tơlang tơduă lu iĕm lăm rim jơhnơr lu iĕm.

I Sam 30:25

Đơ̆ng năr noh, Đawit pơjing dôm tơdrong noh, pơm tơdrong juăt lăm lu bơngai Isơrael kư̆m oei đei truh tơ dang ei.