Je 9:7 - Sơ̆p Hlabơar Nơ̆r 'Bok Kei-Dei

⁷ Lei na Kră Yang Tih Hloh khan: “Âu Inh gô pơm kơ lu sư rơgoh hăm ŭnh wă pơlong lu sư, yua kơ tơdrong yoch lu sư Inh ưh kơ gơh wă pơm kiơ nai kơ kon pơlei Inh?

Je 9:7 ပူးပေါင်းရင်းမြစ်များ

II Sam 13:26

Apsalôm pơma dơ̆ng: “Tơdah pơtao ưh kơ năm, apinh ăn Amnôn, 'nhŏng inh, năm ngôi tơ nhôn.” Pơtao jet: “Kơlih kơ kiơ sư athei năm?”

II Ho 36:15

Kră Yang 'Bok Kei-Dei 'bok lu sư đei lơ wơ̆t wơh bơngai pơtruh nơ̆r Sư bơtho khan ling-lang, yua kơ Sư 'mêm mơnat kơ kon pơlei pơla Sư păng hnam Sư oei.

Horiso 120:4

Noh 'brơ̆m suĕng đơ̆ng lu linh; păng ngar 'long ŭnh ngŭr.

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 48:10

'Nâu, Inh hling iĕm rơgoh bơih, mă-lei ưh kơ trŏ thoi hling hu; Inh pơlong lăng iĕm lăm ŭnh tơdrong pơmat-tat.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Je 6:27

“Inh ăn kơ ih jing bơngai 'buh pơlong mam. Ih pơlong lăng kon pơlei Inh, wă kơ ih băt kơnăl, lăng hơlen trong lu sư.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Malachi 3:3

Sư gô hơ-oei thoi lu bơngai jôr hu pơm rơgoh đĭ, sư gô chhut lu kon drŏ-nglo Lêwi, pơm ăn kơ lu sư rơgoh thoi maih păng hu, lu sư gô pơyơ̆r tơmam soi kơ Kră Yang lăm tơdrong tơpăt.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Pet 4:12

Ơ lu 'nhŏng oh mă inh 'mêm kơeng, iĕm đei boih tơdrong gleh truh wă pơlong lăng tơdrong lui iĕm, mă iĕm 'nĕ kơ lăng hlĭch tơdrong kiơ hŏ, yua kơ tơdrong noh gô truh rim 'nu kơ lu bơngai lui.