Je 8:6 - Sơ̆p Hlabơar Nơ̆r 'Bok Kei-Dei

⁶ Inh pơgling đon păng oei mơ̆ng, mă-lei lu sư pơma ưh kơ tơpăt ôh. Ưh kơ đei bu tơbral tơdrong yoch sư, na khan: “Tơdrong kiơ inh đei pơm boih?” Rim 'nu yak kiơ̆ trong lu sư kơdih, thoi aseh hrơ̆t năm tơpăt tơ anăp wă tơblah.

Je 8:6 ပူးပေါင်းရင်းမြစ်များ

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Jop 34:31

Hăm đei bơngai bu khan kơ Kră Yang 'Bok Kei-Dei: “Inh chu pŭ tơdrong Ih phak bơtho, inh ưh pă pơm kơnê̆ dơ̆ng;

Jop 34:32

Tơdrong kiơ inh ưh kơ 'bôh, apinh Kră Yang bơtho tơ'bôh ăn kơ inh; Tơdah inh đei pơm kơnê̆, inh gô ưh pă pơm dơ̆ng?”

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 3:5

Ih oei hil mĭl ling-lang hă? Ih oei blĕk khŏm khŏm hă?’ 'Nâu, mă iĕm pơma, mă-lei iĕm pơm boih tơdrong kơnê̆ kiơ̆ thoi iĕm wă.”

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Êsêkiên 18:28

Yua kơ sư 'bôh păng tơbral dôm tơdrong yoch kơnê̆ mă sư hlôi pơm, tơpă sư gô đei tơdrong arih păng ưh kơ đei lôch hiong.

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Da 9:11

Đĭ-đăng bơngai Isơrael pơm yoch boih kơ khôi juăt Ih păng jing ưh pă wă mơ̆ng nơ̆r Ih. Thoi noh na tơdrong hiap pơtê̆ păng nơ̆r pơkă hiap đei chih lăm sơ̆p hla bơar khôi juăt Môis mă đĭch đam Kră Yang 'Bok Kei-Dei, đei tuh boih tơ lu nhôn, yua kơ lu nhôn đei pơm yoch glăi boih hăm Ih.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Jêphania 3:7

Inh đei khan boih: ‘Ih athei hli yom kơ Inh đĕch, chu phak bơtho.’ Thoi noh anih sư oei huay kơ hiong tôch đĭ, kiơ̆ thoi Inh pơkă kơ sư. Mă-lei lu sư đơ̆ng hrôih drôih pơm pơrăm lê̆ dôm tơdrong jang sư kơdih.”

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 1:7

Kră Yang Tih Hloh khan: ‘Lu iĕm lăng lăng bĕ trong lu iĕm yak.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

II Pet 3:9

Sư ưh kơ wă pơđunh ôh kơ tơdrong Sư pơkă khan wă ăn Yêsu Krist jur, thoi lu bơngai che bơle noh khan. Sư oei mơnat ră kơ kon bơngai bơ̆n, Sư ưh kơ wă kơ minh 'nu bơngai hiong lăm tơdrong Sư phak ră. Thoi noh na Sư oei gô wă kơ đĭ-đăng bơngai tơbral kơdih tơdrong yoch.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.