Je 8:22 - Sơ̆p Hlabơar Nơ̆r 'Bok Kei-Dei

²² Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Je 8:22 ပူးပေါင်းရင်းမြစ်များ

Bl 37:25

Lu sư oei sŏng sa. Tơmang lăng 'bôh bơngai Ismaela đơ̆ng Gileat wă truh, kơpal rŏng aseh lăk-đa lu sư đei tơmam lơ dêh, pơgang 'bâu phu, jăr 'long 'bâu phu wă chĕp mơdro tơ char Êyiptơ.

Bl 43:11

Đơ̆ng noh Isơrael, 'bă lu sư khan: Tơdah đei tơdrong thoi noh, lei lu iĕm athei pơm thoi âu: Athei pơih iŏk tơmam gĭt kăp đơ̆ng lăm kơdŭng iĕm mă chĕp ba đơ̆ng dêh bơ̆n âu: Pơgang 'bâu phu, đak sut, chai 'long, 'long 'bâu phu, plei 'long gĭt na pơyơ̆r ăn kơ sư pơm tơmam bơnê.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 22:6

Kră Yang khan gah hnam pơtao Juđa: “Mă khan Inh lăng ih thoi char Gileat, kư̆m rŏ krưp thoi kơ̆l kông Liban, Mă-lei Inh pơkă wă pơm kơ ih jing thoi char glă, lu pơlei ưh pă đei bơngai oei.

Je 46:11

Ơ adruh hơlai kon adruh Êyiptơ, Năm tŏk bĕ tơ char Gileat iŏk đak pơgang pik; mă ih yua lơ pơgang kư̆m; ưh kơ klaih! Rơka ih hơkar kư̆m ưh kơ tơsir.

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Êsêkiên 27:17

Char Juđa păng teh đak Isơrael mơdro sa hăm ih; lu sư tĕch 'ba mi, 'ba tơ'bâu, 'bĕng 'ngam, đak sut, đak rơmă ôliwơ păng pơgang 'bâu phu wă tơplih iŏk tơmam ih

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Luka 8:43

Đei minh 'nu bơngai drŏ-kăn tuh pham mơjĭt-'bar sơnăm boih. Sư apah đe ming akâu sư tĕch đĭ mŭk tơmam sư ră mă-lei ưh kơ klaih ôh.