Je 8:18 - Sơ̆p Hlabơar Nơ̆r 'Bok Kei-Dei

¹⁸ Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Je 8:18 ပူးပေါင်းရင်းမြစ်များ

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 6:24

Lu nhôn kơtơ̆ng ang boih gah lu sư, kơkŏng ti lu nhôn đĭ rơdu; Tơdrong hli gơhret lu nhôn, Jơhngơ̆m lu nhôn jĭ tuĕnh thoi drŏ-kăn wă tơpŭ.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Nhom 5:17

Yua kơ tơdrong âu jơhngơ̆m lu nhôn hơngơ̆t, Yua kơ tơdrong âu măt lu nhôn hrŏ.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.