Je 7:16 - Sơ̆p Hlabơar Nơ̆r 'Bok Kei-Dei

¹⁶ Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Je 7:16 ပူးပေါင်းရင်းမြစ်များ

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

Le 32:10

Thoi noh dang ei, lê̆ Inh hil mĭl kơ lu sư, pơrăm pơtôch lê̆ lu sư; mă-lei Inh gô pơjing đơ̆ng ih minh adrĕch adrung tih tơpă.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Both 9:14

Lê̆ Inh pơlôch pơđĭ lu sư păng sŭt lê̆ anăn lu sư đơ̆ng lăm teh đak âu, đơ̆ng noh inh gô pơm ăn kơ ih jing minh adrĕch pran kơtang păng lơ kơdrâ̆m hloh kơ lu sư.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.