Je 6:22 - Sơ̆p Hlabơar Nơ̆r 'Bok Kei-Dei

²² Kră Yang khan: “'Nâu, đei minh adrĕch kon pơlei đơ̆ng gah yă-nơ̆m truh, jơ̆ minh adrĕch tih pran, iung blah năm đơ̆ng tôch kơ plei teh.

Je 6:22 ပူးပေါင်းရင်းမြစ်များ

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Je 13:20

Ngơk lăng bĕ; lu bơngai mă truh đơ̆ng gah yă-nơ̆m to. Khŭl triu mă Inh ăn boih kơ ih, đĭ-đăng khŭl triu mă ih pơư tơ yơ boih.

Je 25:32

'Nâu nơ̆r Kră Yang Tih Hloh khan: “'Nâu, tơdrong pơrăm truh tơ jơ̆p-jang đơ̆ng dêh char âu truh tơ dêh char nai; hơbŭt hơbang tih lĕch đơ̆ng anih tôch kơ teh đak.”

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 30:5

'Nâu Kră Yang khan: “Inh đei kơtơ̆ng boih nơ̆r ôr krao hli tơrơ, ưh kơ đei hiôk-hian.

Je 4:16

Roi tơbăt bĕ kơ rim dêh char! Roi ăn kơ pơlei Jêrusalem băt: Lu bơngai ayăt đơ̆ng tơring ataih truh boih wang tăp dăr Lu sư jreo tơkĕch wă tơblah hăm lu pơlei Juđa.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 47:2

'Nâu Kră Yang khan: Đak tŏk đơ̆ng gah yă-nơ̆m, jing thoi đak krong ro, lơ̆p jơ̆p kơ dêh char păng đĭ-đăng tơmam lăm teh, lơ̆p lu pơlei păng lơ̆p đĭ kon pơlei oei lăm noh, kon pơlei gô ôr krao, đĭ kon pơlei lăm dêh char gô nhơ̆m hmoi,

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Je 5:16

Jŏ lu sư 'bĕnh kơ 'brơ̆m hơkăm thoi đe pơih bơsat; đĭ-đăng lu sư tă kơ pran kơtang ngăl.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 23:22

Thoi noh, ơ Ôhôliba, Kră Yang khan thoi âu: “Âu, Inh pơtrŭt lu bơngai mă ih hưch, lu bơngai ih weh achăng lê̆ gô blah ih, Inh gô chông ba lu sư đơ̆ng jơ̆p kơ tơring năm tơ ih;

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.