Je 6:15 - Sơ̆p Hlabơar Nơ̆r 'Bok Kei-Dei

¹⁵ Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 6:15 ပူးပေါင်းရင်းမြစ်များ

Bl 19:34

Na năr dơning dơ̆ng, mŏ sư khan kơ oh sư: “'Nâu măng hei inh 'bĭch hăm 'bă boih; na ba kư̆m athei hling tơdrô gai 'bă dơ̆ng, na lê̆ e năm 'bĭch hăm 'bă, wă kơ đei adrĕch ioi đơ̆ng 'bă.”

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Je 18:23

Ơ Kră Yang, Ih băt boih, đĭ lu sư chă đon wă pơlôch inh. Apinh Ih 'nĕ pă mơnat ăn tơdrong yoch kơnê̆ lu sư, apinh Ih 'nĕ sut tơdrong yoch lu sư đơ̆ng anăp Ih. Apinh Ih ăn kơ lu sư pơ̆k 'bơ̆t anăp Ih. Apinh Ih phak lu sư lăm năr Ih hil!

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 13:14

Inh gô pơrăm dur mă lu iĕm bah chŭr, dur gô hơlih păk tơ teh, jơ̆ng sư prưk tơ 'nguaih mưh dur păk hơlih, lu iĕm gô lôch răm hơdai lăm noh; na lu iĕm gô băt Inh boih Kră Yang Tih Hloh.

Êsêkiên 2:4

noh adrĕch adrung kơchu păng arăng kơ̆l, Inh wơh ih năm tơ lu sư, khan kơ lu sư: ‘Kră Yang Tih Hloh khan thoi âu:’

Êsêkiên 24:7

Pham oei đom lăm pơlei noh, yua kơ lu sư pơlôch đe tuh pham tơ kơpal tơmo blat; ưh kơ tuh lê̆ pham lăm teh wă kơ 'mui teh klơ̆p lê̆ đĭ.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Mi 3:6

Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Jêphania 2:1

Ơ kon pơlei mă ưh kơ băt mơlâu! Akŭm băl bĕ, tơpă, athei akŭm băl bĕ!

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Sa 13:4

Kŭm lăm năr noh, dah lu 'bok khan lê̆ adrol, wă pơma lê̆ adrol lu sư gô mơlâu gah tơdrong mă đei tơ'bôh kơ lu sư; lu sư kư̆m ưh pă đei hrŭk ao tai đe tanh păng sŏk kon sem brem wă pơma hơlĕnh dơ̆ng.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.