Je 52:31 - Sơ̆p Hlabơar Nơ̆r 'Bok Kei-Dei

³¹ Đơ̆ng rŏng kơ pêng-jĭt tơpơh sơnăm Jêhôiachin pơtao Juđa pơm bơnă, lăm năr 'bar-jĭt pơđăm, khei mơjĭt-'bar Êwil Mêrôđak pơtao Babilôn lăm sơnăm sư 'nao pơgơ̆r, plôh tơlĕch Jêhôiachin pơtao đe Juđa đơ̆ng hnam bơnă.

Je 52:31 ပူးပေါင်းရင်းမြစ်များ

Bl 40:13

Pă pêng năr dơ̆ng Pharaôn gô tơlĕch ih đơ̆ng hnam phak, hơlơ̆k ăn kơ ih jang thoi đêl, ih gô pôk kơchŏk Pharaôn tơpơng tơ ti sư thoi so, thoi ih đei jang pơm bơngai lăng hơmet đak nhă sơ̆.

Bl 40:20

Truh tơ năr mă pêng, trŏ năr tơpŭ kơ Pharaôn, sư hơmet et sa chơt hiôk krao đĭ lu 'bok tih păng tơlĕch hloi 'bok lăng hơmet đak nhă hăm 'bok pơm 'bĕng đơ̆ng hnam phak.

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Je 37:1

Sêđekia kon drŏ-nglo Jôsia, pơgơ̆r tơplih Jêhôiachin, kon drŏ-nglo Jêhôiakim, yua kơ đơ̆ng Nebukatnessar pơtao Babilôn pôk sư pơm pơtao đe Juđa.