Je 52:28 - Sơ̆p Hlabơar Nơ̆r 'Bok Kei-Dei

²⁸ 'Nâu lu kon pơlei mă Nebukatnessar rôp chông ba pơm bơnă; pêng-rơbâu 'bar-jĭt pêng 'nu bơngai Juđa lăm sơnăm mă tơpơh.

Je 52:28 ပူးပေါင်းရင်းမြစ်များ

II Ho 36:20

Lu bơngai mă oei arih klaih đơ̆ng đao gưm, đe rôp chông ba pơm bơnă tơ char Babilôn; lu sư pơm đĭch đam kơ pơtao hăm kơ lu kon sâu sư dĭng truh tơ chăl pơtao dêh Persia pơgơ̆r,

Esơra 2:1

Lăm lu kon sâu tơring Juđa mă pơtao Nebukatnessar rôp chông ba tơ dêh char Babilôn, lu bơngai đe chông ei wih brŏk tơ pơlei Jêrusalem păng dêh Juđa, rim 'nu brŏk tơ pơlei sư kơdih,

Ne 7:6

'Nâu boih lu bơngai tơring Juđa đơ̆ng pơm bơnă gơh brŏk, wă khan lu bơngai đơ̆ng lăm khŭl mă Nebukatnessar rôp pơm bơnă; lu sư brŏk dơ̆ng tơ pơlei Jêrusalem lăm dêh Juđa, rim 'nu wih brŏk tơ pơlei sư kơdih;

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 52:29

Lăm sơnăm mă mơjĭt-tơhngam chăl Nebukatnessar pơgơ̆r, sư rôp chông ba pơm bơnă đơ̆ng pơlei Jêrusalem tơhngam-hrĕng pêng-jĭt 'bar 'nu.

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Êsêkiên 12:11

Khan bĕ kơ lu sư: ‘Inh boih jing tơdra kơ lu iĕm. Inh pơm thoi yơ boih, lu sư gô tơ'bơ̆p thoi noh. Đe gô rôp ba lu sư pơm bơnă.