Je 52:27 - Sơ̆p Hlabơar Nơ̆r 'Bok Kei-Dei

²⁷ Pơtao Babilôn athei đe pơlôch lu sư tơ pơlei Riblah lăm tơring Hamat. Thoi noh boih đe rôp chông ba lu bơngai Juđa pơm bơnă lăm char đe nai.

Je 52:27 ပူးပေါင်းရင်းမြစ်များ

II Sam 8:9

Tôu pơtao pơlei tih Hamat kơtơ̆ng pơtao Đawit blah pơrăm đĭ lu linh Hadadêser.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

II Pot 23:27

Na Kră Yang khan: “Inh gô puh tơweh lê̆ lu bơngai Juđa đơ̆ng Inh, thoi Inh puh tơweh bơih lu bơngai Isơrael păng Inh gô pơrăm lê̆ Pơlei Jêrusalem mă Inh rơih bơih păng kư̆m pơrăm Hnam akŭm tơm mă Inh hlôi khan: Anăn Inh gô oei tơ noh.”

Êsai 24:3

Teh đak âu gô pơrăm đĭ ưh pă đei kiơ đe gô plah tơgar iŏk đĭ, yua kơ Kră Yang đei khan bơih nơ̆r 'nâu.

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 20:4

Yua kơ Kră Yang khan: “'Nâu Inh gô pơm ăn kơ ih đei tơdrong hli tơrơ ih kơdih păng kơ bôl buăl ih hai. Lu sư gô lôch kơ đao gưm lu bơngai ayăt tơm măt ih. Inh gô jao lu kon pơlei Juđa lăm ti pơtao char Babilôn, pơtao gô rôp anhăk lu sư pơm đĭch tơ char Babilôn dah yua đao gưm pơlôch hloi lu sư.”

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

Je 52:9

Lu linh bơngai Kalđê rôp pơtao Sêđekia păng năm ba tơ pơtao Babilôn, tơ pơlei Riblah, lăm tơring Hamat, tơ noh pơtao Babilôn sek tơlang sư.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.