Je 51:59 - Sơ̆p Hlabơar Nơ̆r 'Bok Kei-Dei

⁵⁹ 'Nâu nơ̆r Jêrêmi bơngai khan lê̆ adrol tơtă ăn kơ Sêraia, kon drŏ-nglo Nêria, sâu Mahseia kơplah sư năm tơ char Babilôn hơdai hăm Sêđekia, pơtao dêh char Juđa lăm sơnăm mă puăn chăl sư pơgơ̆r. Kơplah noh Sêraia bơngai tơgŭm pơtao.

Je 51:59 ပူးပေါင်းရင်းမြစ်များ

Esơra 5:12

Mă-lei 'bok yă lu nhôn ưh kơ chu Kră Yang 'Bok Kei-Dei plĕnh teh, na Sư jao lu nhôn tơ lăm ti Nebukatnessar, pơtao Babilôn, bơngai Kalđê; pơtao ei sơ̆ pơrăm hnam akŭm âu păng rôp kon pơlei chông ba tơ dêh Babilôn.

Je 28:1

Lăm sơnăm noh mơ̆n wă khan, lăm chăl Sêđekia 'nao pơtơm pơm pơtao đe Juđa, lăm khei pơđăm sơnăm mă puăn, Hanania kon drŏ-nglo Asur, bơngai khan lê̆ adrol đơ̆ng pơlei Gibeôn, pơma hăm inh lăm hnam Kră Yang 'bơ̆t anăp lu 'bok soi păng đĭ kon pơlei:

Je 32:12

Inh jao ăn hla bơar răt noh kơ Baruk, kon drŏ-nglo Nêria, sâu Mahseia, 'bơ̆t anăp Hanamel, kon drŏ-nglo ma inh păng 'bơ̆t anăp lu bơngai kơdranh đei kĭ anăn lăm noh, kư̆m 'bơ̆t anăp lu bơngai Juđa oei ngôi 'bơ̆t cham anih lu linh gak.

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Je 52:1

Sêđekia pơtơm pơm pơtao kơplah sư 'bar-jĭt mônh sơnăm; sư pơgơ̆r mơjĭt-mônh sơnăm lăm pơlei Jêrusalem. Mĕ sư anăn Hamuta kon drŏ-kăn Jêrêmi đơ̆ng pơlei Lipna.