Je 51:4 - Sơ̆p Hlabơar Nơ̆r 'Bok Kei-Dei

⁴ Lu sư gô pơ̆k lôch lăm char bơngai Kalđê, bơngai rơka pơ̆k lôch tơ rok trong pơlei.

Je 51:4 ပူးပေါင်းရင်းမြစ်များ

Êsai 13:15

Bơngai bu đe tơ'bơ̆p đe gô rôp 'bet sư, Bơngai bu đe đei rôp gô pơlôch hăm đao.

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Je 49:26

Kră Yang Tih Hloh khan: “Thoi ei, na lu kon tơdăm iĕm gô pơ̆k lôch rok trong tih lăm pơlei lăm năr noh. Păng đĭ-đăng lu linh iĕm gô pơ̆k pă đei pơpơ̆,

Je 50:30

Thoi noh lu kon tơdăm sư gô lôch pơ̆k tơ rok trong pơlei; Păng lăm năr noh, lu linh tơblah gô lôch đĭ.” Noh Kră Yang khan.

Je 50:37

Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.

Je 51:53

Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.