Je 51:31 - Sơ̆p Hlabơar Nơ̆r 'Bok Kei-Dei

³¹ Bơngai năm roi kơdâu năm tơ'bơ̆p bơngai năm roi. Minh 'nu bơngai năm tơbăt tơ'bơ̆p minh 'nu bơngai tơbăt, Roi tơbăt ăn kơ pơtao Babilôn khan pơlei tih pơtao đe blah iŏk boih.

Je 51:31 ပူးပေါင်းရင်းမြစ်များ

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

Esther 8:10

Morđêkai chih hăm anăn pơtao Asêrus păng iŏk tơkhiĕn pơtao chơ̆m pơsĭt hăm chih anăn sư, đơ̆ng noh wơh linh năm ba hla bơar noh hao aseh dăm, pran kuăng.

Esther 8:14

Thoi noh lu bơngai năm ba hla bơar noh hao aseh dăm pran kuăng, hăt hot chu kiơ̆ nơ̆r pơtao pơkă athei. Hla bơar noh đe kư̆m đŏk tơbăt kơ kon pơlei lăm pơlei tih Susa.

Jop 9:25

Năr chăl arih inh năm hrĕnh hloh kơ bơngai kơdâu năm roi tơbăt, Lu năr chăl arih inh kơdâu ôn bơih ưh kơ đei tơdrong pŭn hiôk.

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 50:24

Ơ Babilôn, Inh hơ'năk boih hơđong kơ ih. Ih 'leh boih hơđong, ơ Babilôn, mă-lei ih ưh kơ băt. Đe chă wă rôp ih boih; Yua kơ ih blah Kră Yang.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Je 51:32

Đak krong, lu anih đơ̆ng juăt tŏk đe blah iŏk boih, lu anih trâp hlŭt đe soh boih, Lu linh tơblah hli tơrơ.”

Da 5:30

Lăm măng noh hloi pơtao Belsatsar bơngai Kalđê đe pơlôch.